Знайсці
18.09.2022 / 13:59 29

Мы ўступаем у момант слабасці Расіі. Дзевяць высноў з вайны ва Украіне для беларусаў

Усе мінулыя разы беларусы карысталіся такімі момантамі: у 1905-м, 1918-м і 1991-м. Магчыма, мы ў чацвёртым такім вырашальным моманце — хутка пабачым, чаго беларуская нацыя дасягне на гэты раз, піша Васіль Гарбацюк.

Украінскія вайскоўцы ў вызваленым населеным пункце пад Харкавам. Фота з канала падраздзялення Мінабароны Украіны

Расійская зброя выявілася слабейшай за заходнюю.

І не толькі за заходнюю, але і за ўзбраенні краін Азіі. 

Расійская армія таксама аказалася няздатнай арганізацыйна і нікчэмнай ў разведцы. Фактычна, Масква хацела узяць Еўропу «на понт». Вайна агаліла, што Расія адсталая не толькі ў эканоміцы.

Як сфармуляваў адзін беларускі афіцэр у адказе на пытанне «Нашай Нівы»: «Мы думалі, у Расіі ўсё гаўнянае, але армія… А яна таксама аказалася гаўном».

Нават калі Расія з дапамогай іранскай ці кітайскай зброі здолее пазбегнуць катастрофы на полі бою ці калі Захад вырашыць не даводзіць справу да ваеннага разгрому, правал ва Украіне будзе мець доўгатэрміновыя наступствы для аўтарытэту Расіі, яе даходаў і пазіцыі ў свеце. Ëй давядзецца адступаць.

Выявілася, што Захад не толькі тэхналагічны лідар, але ён таксама адзіны, рашучы і здольны мабілізоўвацца. Кітай жа пакуль толькі чакае свайго часу.

Расія гатовая забіваць людзей дзясяткамі тысяч для захопу зямель ва Усходняй Еўропе. Так было не заўсёды і будзе не заўсёды. Але цяпер быў такі момант, што яна была гатовая. І такія моманты могуць паўтарацца ў будучыні.

Украінцы паказалі, што бандыты разумеюць толькі мову сілы.

Усе чакалі, што Украіна падзе, а яна не толькі выстаяла, але загартавалася і выйдзе з вайны зблізіўшыся з Захадам і ўнутрана згуртаванай.

Лукашэнкаўская прапаганда навязвала нам уяўленне пра перавагі «моцнай рукі», а ўкраінская дэмакратыя ў суровых умовах вайны выявілася больш эфектыўнай за расійскую аўтакратыю.

Многія з нас думалі, што беларусы ў масе сваёй гатовыя здымаць туфлі перш чым стаць на лаўку, але не гатовыя ваяваць за свабоду і незалежнасць. Выявілася, што не сотні, а тысячы беларусаў гатовыя ваяваць са зброяй у руках. 

Канкрэтна цяпер мы ўступаем у момант слабасці Расіі. Усе мінулыя разы беларусы карысталіся такімі момантамі: у 1905-м, 1918-м і 1991-м. Магчыма, мы ў чацвёртым такім вырашальным моманце — хутка пабачым, чаго беларуская нацыя дасягне на гэты раз.

Аляксандр Лукашэнка пайшоў на вялікую подласць. У яго на сумленні цяпер не толькі мукі беларусаў, але і кроў дзясяткаў тысяч ахвяр гэтай вайны. Перагарнуць гэтую старонку складана.

І самая галоўная выснова — спраўдзіўся славуты радок Тараса Шаўчэнкі: «Борітеся — поборете». Украінцы паказалі, што можна перамагаць і мацнейшага праціўніка, калі ты дзейнічаеш з розумам і маеш саюзнікаў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
ЯНКА / адказаць
20.09.2022
Охтас, +100!
0
Алег / адказаць
20.09.2022
На мой взгляд все будет зависеть развалится ли Россия на большие куски.
Например, на Зеркале была статья на то какие части РФ может развалиться, если отсоединится дальневосточная республика, Якутия и т.д. то Россия превратиться в пшик, соответственно и ориентироваться Беларусы на такое недогосударство не будут, если Россия сохранится в своих границах то сколько белорусам не давай шансов, они все просрут. Потому что надо что бы ватниками не было хотя бы 50%+1 человек в стране, что бы скарыстаться шансом как страны балтии..
0
антисвета / адказаць
20.09.2022
Satan, согласна.

однако Satan'а, немного как подменили) уже не только про бухло и девок говорит, но может и на тему мовы, и на другие темы неплохо сказать)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31