Знайсці
16.09.2022 / 17:35

Запусцілі марафон агучвання твораў Янкі Купалы. У ім можа паўдзельнічаць кожны, і гэтым прынесці практычную карысць

У рамках святкавання 140-годдзя з дня нараджэння паэта Янкі Купалы ініцыятыва say.by запусціла цікавы праект. Усім ахвотным прапануецца з дапамогай спецыяльнага сайта запісаць сваім голасам любы твор паэта. Як растлумачылі стваральнікі ініцыятывы, такім чынам яны спрабуюць сабраць моўную базу, каб у будучыні тэхналогіі маглі працаваць з карыстальнікамі па-беларуску, піша «Анлайнер».

  

Сучасныя тэхналогіі дайшлі да такога ўзроўню, што часам нават не трэба даваць запыт ці каманды з дапамогай клавіятуры. Запусціць працу машыны можна голасам, а замест корпання ў энцыклапедыях — пагутарыць з галасавымі памочнікамі накшталт «Алісы» ці Siri і даволі хутка атрымаць адказ на неабходнае пытанне.

Як распавялі стваральнікі ініцыятывы say.by, яны хочуць, каб нашы суайчыннікі ў будучыні маглі размаўляць з сэрвісамі не толькі па-руску, але і на беларускай мове. Аднак для гэтага трэба стварыць даволі вялікую моўную базу з запісам галасоў розных людзей, што дазволіць камп'ютару павысіць якасць распазнавання.

— Янку Купалу абралі для марафону ў тым ліку, каб было цікавей. Мы можам з розных галасоў скласці цэлыя вершы і паслухаць, як яны гучаць у выкананні людзей, што жывуць у розных кутках Беларусі. Чэлендж працягнецца яшчэ 39 дзён, — расказалі арганізатары праекта.

За першы тыдзень у марафоне (а ён ужо трэці) паўдзельнічала 3 тысячы чалавек. У тым ліку супрацоўнікі буйных беларускіх арганізацый накшталт «Аліварыі», «А-100» і 21vek.

Калі да гэтай справы хочаце далучыцца і вы, праходзьце па спасылцы на сайт donar.by. Пакінуць запіс вельмі лёгка. Трэба толькі націснуць на значок з выявай мікрафона і зачытаць верш Янкі Купалы. Там жа можна паслухаць і запісы, якія ўжо атрымаліся.

Пажадана, каб падчас агучвання ваш голас гучаў натуральна, нібыта адбываецца звычайная размова.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31