Знайсці
12.09.2022 / 13:543РусŁacБел

Славутую беларускую бягуху ледзьве дапусцілі да Мінскага паўмарафону

11 верасня ў Мінску прайшоў чарговы паўмарафон. Сярод 11 тысяч удзельнікаў, што выйшлі на старт, была Святлана Кудзеліч, удзельніца дзвюх Алімпіяд і срэбраная прызёрка чэмпіянату Еўропы. Як аказалася, славутая атлетка магла і не выйсці на старт.

Святлана Кудзеліч. Фота: bfla.eu

Кудзеліч, якая год таму нарадзіла сына, узяла на паўмарафоне бронзу на дыстанцыі 21,1 км. Вышэйшыя месцы на п’едэстале падзялілі паміж сабой Марына Даманцэвіч (падпісантка праўладнага ліста ўзяла золата) і Вольга Немагай.

А крыху пазней Святлана, падпісантка ліста спартсменаў супраць гвалту, падзялілася ў сторыс непрыемнай гісторыяй, звязанай з паўмарафонам. Кудзеліч распавяла, што яе, тытулаваную беларускую бягуху, увогуле не хацелі дапускаць да ўдзелу ў паўмарафоне.

Па словах Кудзеліч, за дзень да старту чыноўнікі сабралі кансіліум, па выніках якога вырашылі ўсё ж такі дазволіць Святлане спаборнічаць. Але з заўвагай.

Рэч у тым, што ў рамках Мінскага паўмарафона чыноўнікі зладзілі таксама адкрыты чэмпіянат Беларусі па паўмарафоне, які адначасова лічыўся адным з этапаў Беларускай легкаатлетычнай лігі. І вось да гэтага мерапрыемства Кудзеліч — беларуску, што выступала за краіну і брала для яе медалі — не дапусцілі.

Пры гэтым у чэмпіянаце прынялі ўдзел расіяне: напрыклад, першае месца сярод мужчын, хоць і ў нейтральным статусе, заняў Рынас Ахмадзееў з Расіі.

Таму адзінай узнагародай Кудзеліч у нядзелю стала бронза паўмарафона. Што да чэмпіянату краіны, там бронзу аддалі Карыне Тамашук — бягусе, што саступіла Святлане хвіліну (вынік 1:18:36 супраць выніку 1:17:36 у Кудзеліч).

«Наша Нiва» — бастыён беларушчыны

ПАДТРЫМАЦЬ

«Паперпрам» разграміў рагачоўскі «Дняпро» 29:0. Гэта новы рэкорд чэмпіянату Беларусі

Каб не гуляць з ябацькамі, футбаліст сышоў з добрага беларускага клуба — і шчаслівы

Тройчы найлепшы футбаліст Беларусі ледзь не вярнуўся ў нацыянальны чэмпіянат, але ягонае «пакаяннае» відэа не задаволіла міністра

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
12.09.2022
О, Беларускі спорт, ты - халуізм і маразму!
0
даведка/адказаць/
12.09.2022
Белорусские власти лямантовали и заливались слюной, когда белорусским провластным спортсменам закрыли путь на международные соревнования, но у себя в монастыре со своим уставом проводят аж целые заседания комиссий на предмет идеологической благонадёжности профессионального спортсмена для допуска к возможности в выходной день побегать марафон в центре столицы... В какой ещё стране мира НОК возглавляет генерал (без армии), а министерство спорта полковник Службы безопасности отца генерала из НОК?!
0
Максим Дизайнер/адказаць/
13.09.2022
ЗОЖ - это п...ж
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера