Знайсці
11.09.2022 / 16:22РусŁacБел

Авіяперавозчыку Air Moldova забаранілі лётаць у Маскву

Авіякампанія Air Moldova спыніла продаж квіткоў на рэйсы спалучэннем Кішынёў — Масква — Кішынёў, паведамляецца на сайце авіякампаніі.

Улады Малдовы забаранілі раней анансаваныя палёты ў Расію, якія патлумачылі «мэтамі гарантавання авіяцыйнай бяспекі».

«Авіякампанія Air Moldova не зможа забяспечыць выкананне раней анансаваных рэйсаў маршрутам Кішынёў — Масква, заяўленых з 1 кастрычніка. Продажы авіябілетаў на Маскву былі спыненыя», — адзначаецца ў паведамленні.

Для вяртання грошай за ўжо набытыя квіткі пасажырам трэба звярнуцца па паштовым адрасе кампаніі. Авіякампанія заяўляе, што звяжацца з Упраўленнем грамадзянскай авіяцыі Малдовы для ўдакладнення дакументаў, на падставе якіх была ўведзеная забарона. У выпадку, калі праблема не вырашыцца, Air Moldova «пакідае за сабой права звярнуцца ў суд».

У пятніцу Air Moldova абвясціла аб аднаўленні рэйсаў у Маскву з 1 кастрычніка. Авіякампанія тлумачыла прынятае рашэнне вынікам шматлікіх зваротаў грамадзян Малдовы, якія жадаюць вярнуцца дадому або ўз'яднацца з сем'ямі, а таксама рэалізаваць квіткі, набытыя ў перыяд пандэміі і пасля закрыцця паветранай прасторы ў лютым.

Пазней стала вядома, што Упраўленне грамадзянскай авіяцыі краіны забараніла нацыянальным авіяперавозчыкам «выкананне паветраных аперацый у паветранай прасторы Расійскай Федэрацыі». Віцэ-прэм'ер Малдовы Андрэй Спыну заявіў, што Air Moldova зрабіла «безадказную заяву», і назваў такія палёты «рызыкоўнымі».

Прамыя авіязносіны паміж Расіяй і Малдовай былі перапыненыя 24 лютага, пасля пачатку ваенных дзеянняў ва Украіне, з-за закрыцця паветранай прасторы над краінай.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера