Знайсці
11.09.2022 / 13:31РусŁacБел

Украінцы ўзнялі свае сцягі ў пасёлку Казачая Лопань на поўначы Харкаўшчыны — на самай мяжы з Расіяй

Мясцовыя жыхары ўзнялі ўкраінскія сцягі ў пасёлку гарадскога тыпу з 5-тысячным насельніцтвам Казачая Лопань на поўначы Харкаўшчыны, на самай мяжы з Расіяй. Гэта здарылася пасля адыходу расійскіх часцей. Казачая Лопань была пад акупацыяй з сакавіка гэтага года.

Прычыны расійскага адступлення тут не ясныя, бо ўкраінскі наступ ад Купянска ў кірунку Ваўчанска адбываецца прыкладна за 100 км адсюль на паўднёвы ўсход. Магчыма, Расіі крытычна бракуе сілаў, каб утрымаць новы рубеж абароны па Асколе і Данцы, і Масква вымушаная перакідваць туды падмацаванне, агаляючы іншыя кірункі ў спадзяванні, што ўкраінскія войскі ўсё адно не будуць пераходзіць дзяржаўную мяжу.

На мапе — фронт у ацэнцы расійскага франтавога блогера «Рыбаря» па стане на абед 11 верасня. Кірункі адступлення з Казачай Лопані і Вялікіх Праходаў пазначаныя чырвонымі стрэлкамі, якія вядуць на тэрыторыю Расіі. Інфармаваны блогер пазначае тэрыторыю ад Гур’евага Казачка пад самы Ваўчанск як ужо пакінутую расійскімі войскамі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера