Знайсці
07.09.2022 / 18:13РусŁacБел

Brent ужо ніжэйшы за 90 даляраў. Нафта патаннела да самага нізкага ўзроўню з лютага

Цэны на нафту ў сераду ўпалі больш чым на 3 даляры, да самага нізкага ўзроўню з моманту пачатку ўварвання Расіі ва Украіну. Гэта звязана з трывогай, выкліканай набліжэннем рызыкі рэцэсіі і неспрыяльнай статыстыкай кітайскага гандлю, піша Reuters.

Фота: AP Photo/Hasan Jamali, File

Ф'ючарсы нафты Brent упалі на 3,40 даляра, або на 3,66 даляра, да 89,43 даляра за барэль у 13:38 паводле Грынвіча, дасягнуўшы самага нізкага ўзроўню з 3 лютага, і зваліўшыся ніжэй за 90 даляраў за бараль упершыню з 8 лютага.

Амерыканская нафта West Texas Intermediate знізілася на 3,42 даляра, або 3,94%, да 83,46 даляра, дасягнуўшы самага нізкага ўзроўню з 24 студзеня, паколькі трывога адносна рэцэсіі зноў стала актуальная.

«Прывід змяншэння попыту ў заходнім свеце набліжаецца да таго, каб стаць рэальнасцю, паколькі імклівы рост інфляцыі і павышэнне працэнтных ставак падрываюць спажыванне», — сказаў аналітык PVM Стывен Брэннак.

Крэдытнае рэйтынгавае агенцтва Fitch у аўторак заявіла, што спыненне газаправода «Паўночны паток-1» павялічыла верагоднасць рэцэсіі ў еўразоне.

Чакаецца, што Еўрапейскі цэнтральны банк рэзка павысіць працэнтныя стаўкі на сваім пасяджэнні ў чацвер. Пасяджэнне Федэральнай рэзервовай сістэмы ЗША адбудзецца 21 верасня.

Слабыя эканамічныя даныя з Кітая на фоне яго строгай палітыкі нулявога распаўсюджвання COVID таксама ўзмацнілі занепакоенасць адносна попыту. Імпарт сырой нафты ў краіну ў жніўні ўпаў на 9,4% у параўнанні з годам раней, паказалі мытныя звесткі ў сераду.

Раней цэны ўтрымаліся за кошт пагрозы прэзідэнта Расіі Уладзіміра Пуціна спыніць усе пастаўкі нафты і газу, калі на расійскія энергетычныя рэсурсы будуць усталяваныя абмежаванні коштаў. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера