Эрдаган назваў зброю, што пастаўляецца Украіне, металаломам
Прэзідэнт Турцыі Рэджэп Таіп Эрдаган лічыць, што баявыя дзеянні ва Украіне скончацца няхутка. Паводле яго слоў, нягледзячы на тое, што заходнія краіны адпраўляюць ва Украіну зброю, якая з'яўляецца «металаломам», у пытаннях зброі ні Украіна, ні Расія не саступаюць адна другой. Акрамя таго, як лічыць Эрдаган, палітыка заходніх краін толькі спрыяе эскалацыі канфлікту, паведамляе «Коммерсант»
«Кажуць, ва Украіну адпраўляецца зброя. Нават нягледзячы на тое, што там вельмі шмат металалому, яны ўсё роўна працягваюць адпраўляць зброю. Калі казаць па гэтым пытанні, ні Расія, ні Украіна не з'яўляюцца пераможцамі. Падобна на тое, гэта сведчыць, што ўсё не скончыцца вельмі хутка», — заявіў Эрдаган на брыфінгу па выніках перамоваў з прэзідэнтам Сербіі Аляксандрам Вучычам.
Прэзідэнт Турцыі лічыць, што многія няправільна ацэньваюць Расію. «Расія — не тая краіна, якую варта недаацэньваць. Расія спыніла пастаўкі прыроднага газу. Цэны выраслі ў Еўропе ў адно імгненне. Усе чакаюць найгоршага. Чаму вы не падумалі пра гэта раней?» — сказаў ён.
Правільнай пазіцыяй па канфлікце ва Украіне Эрдаган лічыць палітыку нейтралітэту. «Турцыя заўсёды праводзіла палітыку раўнавагі паміж Расіяй і Украінай. Мы працягнем праводзіць палітыку нейтралітэту», — заявіў ён. «Можна сказаць, што ў гэтай вайне ёсць пераможца? Пераможцы няма, але ёсць шмат тых, хто прайграў. Паміраюць людзі», — сказаў прэзідэнт Турцыі.
