Знайсці
06.09.2022 / 16:40

«Скарбонка гульняў»: настаўніца стварыла паўсотні настолак па-беларуску для дзяцей i дарослых

Гераіня гэтага матэрыялу Наталля Галко працуе настаўніцай і паралельна развівае свой праект настольных гульняў на беларускай мове «Скарбонка гульняў». Праект Nastaunica.by звязаўся з Наталляй, каб даведацца больш пра гульні для дзяцей і дарослых, а таксама каб атрымаць порцыю натхнення.

«Усё пачалося 5 гадоў таму з Social Weekend. Падштурхнулі мяне сябры, якія сказалі, што я ствараю матэрыялы, якія будуць цікавыя іншым. I на той час на беларускай мове амаль нічога не было. Я адчула, што беларуская мова знаходзіцца ў заняпадзе і патрабуе ўсебаковай падтрымкі. Таму я вырашыла прадстаўляць на Social Weekend праект гульняў для дзяцей i дарослых для вывучэння беларускай мовы.

Наталля Галко

Падчас удзелу ў SW я пазнаёмілася з суполкай беларускамоўных бацькоў, якія падтрымалі маю ідэю. З дапамогай калег былі апрабаваныя і паказалі сваю жыццяздольнасць і эфектыўнасць мае першыя праекты на беларускай мове. Паралельна з гэтым, нечакана для сябе, я прайшла ў фінал спаборніцтва і атрымала падтрымку кампаніі А1. Яны надрукавалі даволі вялікі наклад з трох настолак — «Хто там», «Хованкі з гномікам» і «Усяму свой час», а кіраўнік фонду «Добра» Аляксандр Скрабоўскі фінансаваў сертыфікацыю гульняў. Напэўна, гэты момант і можна лічыць днём нараджэння праекту «Скарбонка гульняў».

За 5 год я стварыла каля 50 гульняў рознага кшталту:

— граматычныя (дапамагаюць зразумець розніцу паміж беларускім і рускім маўленнем і напісаннем, а таксама засвоіць граматычныя і лексічныя асаблівасці мовы);

— тэматычныя (спрыяюць пашырэнню слоўніка па розных тэмах);

— гульні па навучанні чытанню і «на ўсялякі выпадак» (можна выкарыстоўваць проста для таго, каб прыемна бавіць час па-беларуску).

Вядома, галоўная задача, якую быў закліканы вырашыць праект — матывацыя дзяцей і дарослых да вывучэння роднай мовы, бо з настолкамі гэта атрымліваецца значна лягчэй і цікавей. Акрамя гэтага, гульні дапамагаюць вырашыць яшчэ даволі шмат пытанняў: развіццё ўвагі, памяці, лагічнага і творчага мыслення, а таксама пашырэнне чытацкіх кампетэнцый дзяцей, авалоданне навыкамі працы ў камандзе і іншае.

Я раю настаўнікам свае гульнi. Iх можна выкарыстоўваць у якасці дыдактычнага дапаможніка літаральна на любым этапе ўрока, гледзячы на яго мэты, а таксама на факультатывах і для правядзення пазакласнай работы. Гэта можа быць моўная размінка на пачатку ўрока дзеля матывацыі вучняў на працу і замацавання тэмы папярэдняга ўроку; стварэнне праблемнай сітуацыі для ўвядзення ў новую тэму; правядзенне праверкі засваення ведаў індывідуальна або ў групах; рэфлексія пры канцы ўрока або нават у якасці фізхвілінкі.

Наконт узросту гульцоў: калi спачатку ў праекце было больш развівальна-навучальных гульняў для дашкольнікаў (ад 3+) і малодшых школьнікаў, то цяпер у мяне ёсць ужо даволі вялікі выбар гульняў для любога ўзросту (у тым ліку і для дарослых) і на любы густ.

Найбольшай папулярнасцю карыстаюцца: «Падарожжа па Беларусі», «Я жыву ў Беларусі», «У народзе кажуць» (фразеалагізмы), «Сказаў як звязаў» (прыказкі), «Літаратурны клуб» (знаёмства з беларускімі паэтамі). Цяпер рыхтуецца да друку «Спадчына» (14+).

Гэтая настолка пазнаёміць гульцоў з гістарычнай і культурнай спадчынай нашага краю, а таксама знакамітымі беларусамі. Я ўпэўненая, што гэтая пазнавальна-прыгодніцкая стратэгія ўпрыгожыць сямейную і сяброўскую вечарыну і будзе цікавая не толькі старэйшым школьнікам, але і дарослым.

У гэтым годзе вялікім попытам карысталіся сямейныя гульнятэкі і Літаратурныя квізы для гульцоў рознага ўзросту, якія я праводзіла сумесна з Літаратурным музеем, кавярняй «Над Нямігай», школамі і бібліятэкамі горада Мінска. Яшчэ летась я запусціла ў сацсетках новы праект «Дзеці — дзецям», які закліканы матываваць маленькіх беларусаў да чытання твораў нашых беларускіх пісьменнікаў, а таксама стварэння базы відэаматэрыялаў для выкарыстання настаўнікамі на ўроках.

Я планую i далей распрацоўваць новыя настолкі (мабыць, больш з’явіцца гульняў для дарослых). Мне хочацца дзяліцца сваім вопытам з калегамі праз прэзентацыі, майстар-класы, адукацыйныя і забаўляльныя праекты, а таксама вас чакаюць новыя сшыткі-дапаможнікі на беларускай мове. Планаў шмат і ўсё хочацца рэалізаваць».

Чытайце таксама:

Бабруйская настаўніца робіць настолкі, каб вывучаць беларускую мову гуляючы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31