У віцебскай кавярні хлопцу зашчаміла пальцы сталом, давялося выклікаць МНС
3 верасня 23-гадоваму бармену кавярні «Ёкі» на вуліцы Суворава ў Віцебску спатрэбілася дапамога ратавальнікаў, паведаміла прэс-служба МНС. Справа ў тым, што яму заціснула пальцы раскладным сталом.
У своеасаблівы капкан патрапіла тры пальцы левай рукі маладога чалавека. Да прыезду падраздзяленняў МНС ён змог вызваліць два пальцы самастойна, а вось адзін захрас занадта моцна.
Ратавальнікам прыйшлося распілаваць металічныя канструкцыі стала бензарэзам, і толькі пасля гэтага ўдалося цалкам вызваліць руку пацярпелага.
Пасля гэтага бармена агледзелі медыкі, якія ў выніку шпіталізавалі яго ў бальніцу для аказання неабходнай медыцынскай дапамогі.
0
0
1
7
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера