Краіны G7 дамовіліся ўвесці столь цэн на расійскую нафту. У перспектыве тое самае будзе і з газам
Краіны G7 плануюць увесці ліміт цэн на расійскую нафту з 5 снежня.
Уладзімір Пуцін (злева) і Ігар Сечын, кіраўнік «Раснафты» і правая рука Пуціна.
Краіны «Вялікай сямёркі» абвесцяць пра абмежаванне цэн на закупкі расійскай нафты для скарачэння экспартных даходаў Крамля.
Гэтую інфармацыю журналістам пацвердзілі высокапастаўленыя чыноўнікі, паведамляе Financial Times.
Для максімальнай эфектыўнасці спатрэбіцца падтрымка вялікіх пакупнікоў расійскай нафты, накшталт Індыі.
У заяве кіраўнікоў Мінфінаў G7 пацверджаны і намер увесці «столь цэнаў» на расійскі газ, паведамляюць замежныя СМІ са спасылкай на заяву.
«Краіны G7 забароняць страхаванне і фінансаванне для перавозчыкаў расійскай нафты па цэнах, якія перавышаюць усталяваны «парог», — так патлумачыў дзеянне механізма Мінфін Брытаніі.
