Знайсці
18.08.2022 / 09:21 15

«Было сумоўе з рэктарам, дэканам, міністрам». Як у БДУ збіралі групу, у якой мае вучыцца Мікалай Лукашэнка

Уступная кампанія 2022 года ўжо скончылася, а афіцыйнай інфармацыі пра тое, дзе ж будзе вучыцца Мікалай Лукашэнка, не з'явілася. Раней паведамлялася, што самы вядомы выпускнік гэтага лета збіраецца паступаць на біяфак БДУ. У спісах першакурснікаў біялагічнага факультэта яго не знайшлі. Аднак, па словах аднаго з чытачоў, паралельна з традыцыйным механізмам паступлення сёлета на біялагічным факультэце сабралі яшчэ і асобную групу таленавітых абітурыентаў, яны ўжо бачыліся з Мікалаем, пiша Zerkalo.io.

Чытач скончыў школу ў гэтым годзе. На біяфак ён не збіраўся. Там будзе вучыцца яго сябар.

«У сярэдніх і старэйшых класах мой сябар (пол не называецца) удзельнічаў у алімпіядах па двух прадметах. Адзін з іх хімія. Сёлета ён дайшоў да «рэспублікі», але пераможцам не стаў —распавядае чытач. — Ён, як і ўсе мы, рыхтаваўся да ЦТ. Збіраўся вывучаць хімію. У канцы красавіка ці на пачатку мая яму прыйшоў звычайны папяровы ліст, у якім паведамлялася, што на біяфаку БДУ адкрываецца новая спецыяльнасць, звязаная з біятэхналогіямі. Яго запрашалі прайсці адбор і паспрабаваць туды паступіць. Ён вырашыў, чаму б і не».

Па словах суразмоўцы «Зеркала», выпрабаванняў было два. Першае — напісаць эсэ пра тое, чаму чалавек хацеў бы вучыцца на біяфаку. Другое — прайсці сумоўе.

«Гатовае эсэ сябар адправіў па электроннай пошце ў БДУ. Было гэта ў маі. Затым яму зноў жа на «электронку» прыйшоў адказ з ВНУ, у якім яго запрасілі на сумоўе, — успамінае суразмоўца «Зеркала». — Само сумоўе праходзіла ў чэрвені ў рэктараце БДУ. На ім прысутнічалі рэктар, дэкан біяфака, міністр аховы здароўя і яго намеснік. Рабят выклікалі па адным. У асноўным у іх пыталіся пра інтарэсы, задавалі пытанні па біялогіі. Але не складаныя. Спецыяльна рыхтавацца да сумоўя не патрабавалася».

Суразмоўца «Зеркала» кажа, што ў адборы ўдзельнічалі больш за сто чалавек — таленавітыя абітурыенты з усёй краіны:

— Як мы з сябрам зразумелі, гэта хлопцы і дзяўчаты, якія праявілі сябе, напрыклад, у алімпіядах па некалькіх прадметах або ў навуковых працах.

— А Мікалай Лукашэнка таксама быў на сумоўі?

— Сябар яго не бачыў. Пра тое, што з імі будзе вучыцца Мікалай, ім ніхто не казаў, але мы самі выказалі здагадку, калі ў інтэрнэце стала з'яўляцца інфармацыя, што Коля збіраецца ў БДУ.

— А ім неяк тлумачылі, чаму групу збіраюць такім чынам, а не традыцыйна з дапамогай ЦТ?

— Не, толькі растлумачылі, што гэтая спецыяльнасць запатрабаваная дзяржавай і іх для яе адабралі.

Па словах суразмоўцы «Зеркала», прыкладна ў сярэдзіне чэрвеня яго сябар даведаўся, што ён трапіў у лік тых, хто будзе вучыцца на новай спецыяльнасці. Затым, «яшчэ ішло ЦТ», прыяцеля, як і ўсіх, хто прайшоў адбор, запрасілі ў БДУ. Яны заключалі дагаворы, каб вучыцца бясплатна.

— Адзін кажа, што ў групу набралі прыкладна 20—25 чалавек, — распавядае чытач. — Мой прыяцель, дарэчы, здаваў ЦТ. На ўсялякі выпадак, калі б раптам не прайшоў на новую спецыяльнасць.

З Мікалаем Лукашэнка, адзначае суразмоўца «Зеркала», яго аднагрупнікі ўжо бачыліся.

— У ліпені іх запрасілі з'ездзіць на прадпрыемства, якое займаецца вытворчасцю кармоў для жывёл (верагодна, гаворка ідзе пра Беларускую нацыянальную біятэхналагічную карпарацыю). Наколькі я зразумеў, калі яны туды прыехалі, Мікалай ужо быў там. Яго астатнім ніхто не прадсталяў. Ды і ў іх не было рэакцыі: «Ваў, гэта ж Коля Лукашэнка». Усе былі ў добрым настроі. Ім распавядалі пра прафесію і тое, як яны будуць працаваць, — кажа чытач. — Сябар сказаў, што Мікалай звычайны хлопец. Ніяк не стараўся вылучацца, а, як і ўсе, хадзіў, уважліва глядзеў і слухаў.

Па словах суразмоўцы «Зеркала», экскурсія доўжылася некалькі гадзін.

— У Мінск з'язджалі без Мікалая — працягвае суразмоўца «Зеркала». — Тут падрабязнасцяў я ў аднаго не ўдакладняў.

Ён кажа, што заняткі ў яго сябра павінны пачацца, як і ва ўсіх, 1 верасня. Нічога незвычайнага, напрыклад, таго, што за групай будзе сачыць ахова, хлопцам не паведамлялі.

— Але прыяцель сказаў, што ў іх будзе свая праграма навучання, і на пары яны будуць хадзіць асобна, — адзначае суразмоўца «Зеркала».

— А як самі хлопцы адрэагавалі на тое, што ў іх групе апынуўся самы вядомы абітурыент 2022 года?

— Мой сябар — звычайна. Будзе вучыцца, і будзе. Але я ведаю, што ёсць рабяты, якія сёлета наадварот хацелі паступіць менавіта на біяфак БДУ. Меркавалі, калі там чакаюць Мікалая, магчыма, у корпусе зробяць новы рамонт, з'явіцца класнае абсталяванне, магчыма, нават павысіцца якасць адукацыі.

У «Зеркала» ёсць пералік абітурыентаў, якія будуць сёлета вучыцца на біяфаку БДУ на бюджэце і на платным. Даных Мікалая Лукашэнкі там не знайшлі. Інфармацыі пра гэтага чытача — таксама. Суразмоўца выдання тлумачыць гэта так:

— Я так разумею, што ў іх быў свой конкурс, таму іх і няма гэтым спісе.

Хто падаўся на спецыяльнасць, якую імаверна абраў Мікалай Лукашэнка? Ёсць цікавая дэталь

Рэктар меда выдыхнуў: Мікалай Лукашэнка падаў дакументы ў БДУ, імаверна на біяфак

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
во гэта касцінг / адказаць
18.08.2022
без іспытаў, затое міністр аховы здароўя і яго намеснік глядзелі... хоць не ў попу?
https://nashaniva.com/297576

0
во гэта касцінг / адказаць
18.08.2022
"Не позаботились, однако,"
замест іспытаў і цт агледзіны. ну дык гэта ж...
что там гласит указ петра І от 9 декабря 1709 года?
0
Имя Розы / адказаць
19.08.2022
Так никто из этой породы и не доказал, что чего то стоит сам - все через папу. А папа не вечный. За сто лет может не измениться ничего, а за год - все. На Запад им пути отрезаны навсегда, это уже не дети советских генсеков, а наследившего и мучившего много лет белорусский народ диктатора. Но и это пройдет.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30