Знайсці
17.08.2022 / 19:354РусŁacБел

БТ сцвярджае, што ў дамах іспанцаў масава адключаюць электрычнасць. Але гэта поўная хлусня

Лукашэнкаўская прапаганда працягвае пужаць беларусаў Еўропай, паралельна расказваючы, як там цяжка жывецца. Прапагандысты схапіліся за тэму энергетычнага крызісу, шкадуючы бедных еўрапейцаў. Але двойчы памыліліся.

Фота: Pixabay.

У прыватнасці, у эфіры БТ сцвярджаюць, што ў прыватных дамах іспанцаў пасля 22:00 нібыта выключаюць электрычнасць.

«У Іспаніі пачаліся абавязковыя адключэнні электраэнергіі па ўсёй краіне. Акрамя высокіх цэн на энергію, адбіваецца і новая хваля спёкі, а таксама рэкордна нізкі паток турыстаў, гэта значыць адсутнасць звыклай крыніцы даходу для многіх работнікаў сферы гасціннасці. Цяпер пасля 22 гадзін выключаецца не толькі падсвятленне славутасцяў у Барселоне і Мадрыдзе, але і электрычнасць у прыватных дамах грамадзян», — сцвярджае БТ.

У кароткім паведамленні прапаганда схлусіла некалькі разоў. Першы раз — пра «рэкордна нізкі паток турыстаў» у Іспаніі.

Гэты фэйк любяць разганяць расійскія прапагандандысты, каб пераканаць расіян, што Еўропа загнецца без расійскіх турыстаў. Але паток турыстаў у Іспанію імкліва расце з кастрычніка 2021 года і амаль дасягнуў дакавідных паказчыкаў.

Аналагічная хлусня і пра адключэнні электрычнасці ў прыватных дамах. Іспанскі ўрад папраўдзе падрыхтаваў новыя меры па энергазберажэнні. У прыватнасці, цяпер у гарадах пасля 22:00 будуць адключаць падсветку вітрын і кававых аўтаматаў. Таксама ў Іспаніі дзейнічаюць абмежаванні на выкарыстанне кандыцыянераў, вызначаны тэмпературны ліміт для летняга і зімовага сезонаў. Але ў прыватных дамах ніхто электрычнасць не адключае.

Вось што кажа «Нашай Ніве» беларус з Каталоніі Павел Кірылёнак пра прапагандысцкае паведамленне.

«Аніякіх абмежаванняў у прыватных дамах, кватэрах няма, абсалютна.

Адзінае, што зрабілі — гэта абавязалі кандыцыянеры ў публічных прасторах на 27 градусаў ставіць. У крамах, рэстаранах, і гэтак далей. 

Электрычнасць крыху падаражэла, гэта так. Але тут гэта не найвялікшая частка расходаў, скажам так. На піва народ больш траціць», — кажа беларус з Каталоніі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
17.08.2022
отличие европы от беларуси в том, что здесь проблемы не скрывают, пытаются решать. в швеции тоже идет обсуждение материальной помощи населению в случае большого повышения цен в осенне-зимний период. есть проблема, она обсуждается и решается...
из личного...давно, по переезду в швецию, была удивлена, что здесь так много людей в инвалидных колясках, в беларуси такого не было. среди русскоязычных в швеции даже бытовало мнение, что шведы имеют малое население и это родственные половые связи повлияли.... но истина оказалась намного проще. здесь людей с телесными повреждениями не прячут в дома инвалидов. здесь они живут нормальной жизнью насколько это возможно: за ними уход или сервис-работника или родственников(оплачиваемый государством). маленькое положительное отличие демократии от ссср-овских диктатур
0
Вар’ят/адказаць/
18.08.2022
Учора размаулеу са знаемымi з Беларусi - та я ж песня: у вас у Эуропе газу няма, ураджай не сабралi… Не сварыуся, проста пасмяяуся з таго, як людзi накачаныя гэтай бздурай
0
Не помогает./адказаць/
18.08.2022
А в это время на границе очереди на сутки.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера