У Рэчыцы пасаду страціў міліцэйскі начальнік
Па інфармацыі выдання «Флагшток», начальнік міліцыі грамадскай бяспекі Рэчыцы падпалкоўнік Аляксей Макавей папаўся нецвярозы за рулём.
Гэтую інфармацыю выданню пацвердзіла крыніца, звязаная са спецслужбамі Гомеля.
«Затрыманне Макавея прайшло ў ноч з суботы 30 ліпеня на нядзелю 31 ліпеня ў Гомелі. Яго аўтамабіль Mitsubishi ASX дагналі з мігалкамі гомельскія даішнікі. Міліцыянт меў прыкметы моцнага алкагольнага ап'янення. Ад медыцынскага агляду адмовіўся. Справу замяць не ўдалося, пасля разносу на службе Макавей быў звольнены з РАУС», — цытуе яго «Флагшток».
На пачатку года ў ведамстве Аляксея Макавея адбыліся трагічныя падзеі. У навагоднюю ноч яго падначаленыя (супрацоўнікі патрульна-паставой службы) у цэнтры Рэчыцы затрымалі Дзмітрыя Усхопава — ён знаходзіўся ў стане алкагольнага ап'янення. У тую ж ноч Усхопаў памёр. Пасля трагедыі сілавікі прызналі, што ў дачыненні да маладога чалавека была ўжытая фізічная сіла.
Пасля гібелі Усхопава мер да кіруючага складу раённага аддзялення міліцыі прынята не было: усе начальнікі захавалі свае пасады.
На старонцы Рэчыцкага РАУС Макавей дагэтуль знаходзіцца ў спісе кіраўнікоў.
У Рэчыцы ў навагоднюю ноч памёр затрыманы міліцыянтамі мужчына. Сваякі: Яго да смерці збілі ў РАУСе
З'явілася відэа, як Усхопаў сам заходзіць у РАУС. Праз дзве гадзіны ён будзе мёртвы
«Не было наркотыкаў! Яму проста дапамаглі памерці ў міліцыі». Сябра, які збег з краіны, распавёў пра Дзмітрыя Усхопава
