Знайсці
16.08.2022 / 22:55 4

У Мюнхене пройдзе першы фестываль беларускай культуры Minsk x Minga

Музычныя выступы, кінапаказы, спектаклі, выстава, майстэрня — з 9 па 11 верасня ў Мюнхене ладзіцца фестываль беларускай культуры Minsk x Minga, паведамляе Reform.by.

На афішы — фрагмент выставы Ксішы Ангелавай «Беларускі мартыралог».

У праграме фестываля — моцная музычная частка: класічны канцэрт опернай дзівы Маргарыты Ляўчук (9 верасня), выступленне этна-гурта Kriwi, дыджэйскі сэт нямецкай і беларускай музыкі ад Papa Bo Selektah Mix & Mingle (10 верасня), канцэрт электра-поп спявачкі PALINA — Рэспубліка Паліна (11 верасня).

Тэатр будзе прадстаўлены: з беларускага боку — перформансам Ігара Шугалева «375 0908 2334 /Цела, якому вы тэлефануеце, зараз недаступнае». Ён адбудзецца 10 верасня.

З нямецкага боку — Баварскі лялечны тэатр ужо 11 верасня прэзентуе пастаноўку «Лялька Трытратрулала вярнулася» — спектакль будзе дэманстравацца ў межах адмысловай праграмы для дзяцей. Тут жа беларуская музыка і рэжысёрка Света Бень правядзе майстар-клас для дзетак «Добры волат».

Афіша фестываля

Кінаблок парадаваў нечаканасцямі — гледачы фестываля атрымаюць магчымасць убачыць адны з найлепшых фільмаў беларускіх рэжысёраў: дакументальны «Стрыптыз і вайна» Андрэя Куцілы і мастацкі «Возера радасці» Аляксея Палуяна. Дарэчы, «Возера радасці» — гэта тая самая стужка, якая вылучалася на «Оскар»ад Германіі/Беларусі ў 2021 годзе.

Гэтаксама форум не абміне і беларускае сучаснае мастацтва. 10 верасня ў мюнхенскім Доме статыстыкі адкрыецца выстава мастачкі Ксішы Ангелавай «Беларускі мартыралог: Абліччы і стыгматы». Выказванне аўтаркі — пра беларускіх палітзняволеных.

Галоўнай жа пляцоўкай фестываля, акрамя першага дня, стане Backstage Kulturzentrum — адна з вядомых сцэн у горадзе, «спецыялізацыя» якой — альтэрнатыўная музыка і мастацтвы. Backstage Kulturzentrum размешчаная на мосце Фрыдэнхаймера ў раёне Найхаўзен-Німфенбург і ўключае ў сябе хол, клуб, фабрыку і паб.

Адкрыццё падзеі адбудзецца ў Прыдворным храме Усіх Святых, дзе выступіць, нагадаем, Маргарыта Ляўчук.

Квіткі на мерапрыемствы можна набыць тут.

Фестываль арганізуецца Беларускім аб’яднаннем у Германіі RAZAM e.V., партнерамі з’яўляюцца Bayerische Staatskanzlei, die Heintze Stiftung.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Жар / адказаць
17.08.2022
Столькі цікавага ! Шкада, што не тут. Паслухаць Ляўчук, цудоўнае сапрана, гэта асалода.
0
Сымон немузыка / адказаць
17.08.2022
На мінулым тыдні ў суседняй краіне праходзіў чарговы міжнародны фестываль аперэты. Сярод прысутных быў заўважаны экс-прэзыдэнт краіны і былы міністар абароны. Сядзелі з усімі іншымі гледачамі. Памятаю, што ў Беларусі Макей стаяў некалі ў чарзе ў КFC, таксама без аховы, "пa-народнаму".
0
гэта ж треба так гроши любити / адказаць
17.08.2022
З такімі спонсарамі, як Bayerische Staatskanzlei ды Фонд Фаміліі Хайнце, яшчэ і квіткі нейкія?! Ды дарагушчыя!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31