Знайсці
09.08.2022 / 16:19 2

Ці бачаць павукі сны? Гэта магчыма

Людзі, а таксама некаторыя жывёлы накшталт сабак і птушак могуць бачыць сны. Як аказалася, гэтая ж якасць можа быць уласцівая і павукам.

Фота: pixabay.com

Новая праца амерыканскіх навукоўцаў сведчыць, што падчас сну ў павукоў назіраюцца хуткія рухі вачэй. Гэта прыкмета фазы сну, падчас якой, як мяркуюць, у мозгу ўтвараюцца сны, піша Wall Street Journal.

Навукоўцы вывучылі інфрачырвоныя відэазапісы таго, як спяць дзясяткі павукоў-скакуноў. Гэтыя членістаногія падчас сну звычайна вісяць уніз галавой на шаўковай нітцы, а ўдзень захопліваюць ахвяр з дапамогай вострага зроку і здольнасці скакаць.

На відэа было бачна, што павукі перыядычна тузаліся і згіналі ногі. У гэты ж час элементы іх вачэй без векаў хутка рухаліся, што характэрна для фазы хуткага сну. Такая з’ява назіралася ў павукоў кожныя 15-20 хвілін і працягвалася 90 секунд.

Пол Шоу, неўролаг з Вашынгтонскага ўніверсітэта, тлумачыць, што калі ў павукоў назіраецца фаза хуткага сну, гэта паказвае, што такая фаза сну — адпаведна, і сама магчымасць бачыць сны — з’явілася ў жывёл зусім у іншы час, чым раней лічылі навукоўцы. У такім выпадку выходзіць, што сны могуць бачыць больш біялагічных відаў, чым меркавалася.

У чалавека фаза хуткага сну пачынаецца прыкладна праз 90 хвілін пасля засыпання і перыядычна паўтараецца да моманту, калі чалавек прачынаецца. У гэты час павялічваецца актыўнасць мозгу, і менавіта тады чалавек бачыць сны. У некаторых жывёл накшталт каракаціц, прыматаў, сабак і птушак таксама назіралі прыкметы фазы хуткага сну, і ў некаторых выпадках нават атрымалася зарэгістраваць павелічэнне актыўнасці мозгу. Гэта дае падставы лічыць, што жывёлы таксама бачаць сны.

У якой позе мы спім? Гэта мае вялізнае значэнне

Як заснуць у гарачае надвор'е? Пяць парад, якія выратуюць не адну ноч

Некаторым людзям хапае чатырох гадзін сну. Як так?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Пін Цэт / адказаць
09.08.2022
Наступным адкрыцьцём будзе факт, што павукі ды шмат іншых прадстаўнікоў з роду казурак, разам з каракаціцамі(!), ведаюць табліцу памнажэньня. А скончацца дасьледваньні канстатацыяй таго, што яны яшчэ й пасьміхаюцца з чалавечай тупізны й пыхі ! Справа часу...
0
паву чых а / адказаць
09.08.2022
На відэа было бачна, што павукі перыядычна тузаліся і згіналі ногі. У гэты ж час элементы іх вачэй без векаў хутка рухаліся, што характэрна для фазы хуткага сну. Такая з’ява назіралася ў павукоў кожныя 15-20 хвілін і працягвалася 90 секунд.

смешныя ( яны нічога не ведаюць пра чалавечы мозг і сон, але затое ведаюць ужо пра сон павукоў
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30