Знайсці
09.08.2022 / 10:45 10

Ільяш: Мы павінны прызнаць, у 2020-м у беларусаў не было ніводнага шанцу. Цяпер яны з'яўляюцца

«Замест спрэчак пра тое, хто і якія памылкі здзейсніў два гады таму (а іх, безумоўна, было нямала), мы павінны сумленна прызнаць: у 2020-м у беларусаў не было ніводнага шанцу. Абсалютна. Таму што побач была пуцінская Расія, якая рыхтавалася да Вялікай вайны», — з нагоды другой гадавіны жнівеньскіх падзей 2020 года піша журналіст Ігар Ільяш і прыходзіць да нечаканых высноў. Прыводзім яго пост з Facеbook.

Поўнамаштабнае расійскае ўварванне ва Украіну ўбудавала падзеі ў Беларусі 2020-га ў той глабальны кантэкст, якога ў поўнай меры ніхто два гады таму разумець не мог.

Мы думалі, што масавыя пратэсты і беспрэцэдэнтны тэрор — гэта ўсё ж такі асабліва беларуская гісторыя. Так, зразумела, фактар Расіі ніхто з рахункаў не скідаў. Любы, хто разбіраўся ў палітыцы, разумеў, што пагроза прамой расійскай інтэрвенцыі ў Беларусь цалкам рэальная. Тым больш, што Лукашэнка яшчэ 15 жніўня дамовіўся з Пуціным аб аказанні сілавой дапамогі «пры першым запыце», а той адразу сфармаваў для гэтай мэты «рэзерв сілавікоў».

Але ўсё ж мы разважалі аб такой пагрозе ў катэгорыях верагоднасці, а не непазбежнасці. Гэта значыць, мы спрабавалі аналізаваць, у якім выпадку гэта можа адбыцца, што можа ўтрымаць Пуціна ад такога рашэння і якую цану ён гатовы заплаціць за захаванне Лукашэнкі ва ўладзе.

24 лютага дало адназначны адказ на гэтае пытанне: у 2020-м, з улікам прамога запыту Лукашэнкі, Пуцін бы пайшоў на гэта ў любым выпадку і заплаціў бы за падобнае рашэнне любую цану. Чалавек на той момант ужо сурʼёзна рыхтаваўся да наступу «новага свету», ён планаваў развязаць найбуйнейшую на кантыненце вайну з часоў Другой сусветнай — перад такімі задачамі кошт пытання наогул не меў значэння.

Калі ў жніўні 2020 года Пуцін казаў пра «рэзерв сілавікоў», ён падкрэсліваў, што ў Беларусь іх накіруюць толькі калі пратэстоўцы пяройдуць «пэўныя межы», пачнуць «падпальваць дамы, банкі, спрабаваць захопліваць адміністрацыйныя будынкі». Але на самой справе гэта б адбылося нават калі б перамог выключна мірны пратэст (такая перамога ў перыяд з 14 па 23 жніўня была цалкам рэальная).

У гэтым выпадку Масква рэалізавала б сцэнарый Чэхаславакіі-68, але толькі са значна большай колькасцю ахвяр. Ну а калі б пратэст быў не мірным, то была б Венгрыя-56 з тысячамі забітых у вулічных баях і пакараных пасля іх завяршэння.

У 2020-2021 гадах звышасцярожная (а часам нават ліслівая) рыторыка лідараў дэмакратычных сіл у дачыненні да Расіі будавалася менавіта на ілюзіі, што Пуцін не стане абараняць Лукашэнку любой цаной. Здавалася, што калі не злаваць Крэмль, калі паабяцаць захаванне геапалітычнага статус-кво, калі выглядаць досыць лаяльнымі, то Крэмль яшчэ можа стаць на бок апанентаў рэжыму. Але гэта быў наіўны зман.

Праўда заключаецца ў тым, што Крамлю не быў патрэбны тут лаяльны лідар. Крамлю не патрэбны быў у Беларусі нават адкрыта прарасійскі лідар. Яму патрэбная была тут выпаленая зямля, па якой пойдуць танкі. А гэта мог забяспечыць адзін і толькі адзін чалавек. Так што тут варыянтаў проста не было.

Ці значыць гэта, што масавыя пратэсты былі бессэнсоўныя? Я не стану цяпер разважаць пра ўплыў 2020 года на фармаванне палітычнай нацыі і грамадзянскай супольнасці ў Беларусі (а ўплыў гэты велізарны). Я толькі нагадаю адну простую ісціну: калі чалавек адстойвае свой маральны выбар, калі ён паступае па сумленні, то такі ўчынак апрыёры не можа быць бессэнсоўным. Ён самакаштоўны.

Якія з усяго гэтага варта зрабіць высновы? Дзве, але вельмі важныя.

Па-першае, варта кінуць любыя спрэчкі пра тое, хто і якія памылкі здзейсніў у 2020 годзе. Памылак у 2020-м было шмат, але не яны завялі краіну туды, дзе яна знаходзіцца цяпер. Яе завялі сюды памылкі 90-х і 2000-х.

Па-другое, як бы гэта парадаксальна ні гучала, цяпер у беларускага грамадства больш шанцаў на перамены, чым у 2020-м.

Вайна супраць Украіны знясільвае рэсурсы Расіі, а значыць, у Крамля становіцца ўсё менш магчымасцяў трымаць Беларусь пад кантролем. А значыць, Беларусь у хуткім часе апынецца перад гістарычным акном магчымасцяў, якога ў 2020-м, як постфактум высветлілася, у краіны не было.

«Уяўляеце кошт? І якая краіна яго прыме?» Пра стварэнне незалежнага беларускага войска за мяжой

«Маскіравацца пад «балота» альбо выязджаць». Беларусь-2022 — інструкцыя па выжыванні 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Ася / адказаць
10.08.2022
Скоро РФ будут бить, это уже очевидно. И, мысль подловатая по отношению к украинцам, но естественная - пусть лучше бьют там, чем здесь.
3
Отож! / адказаць
10.08.2022
Satan, Я неоднократно вопрошал сектантов-зенонцев про их кумира. И это было бы для него хорошо. Будь он честный человек, патриот и что там еще про него сказал Сахащик...

Но есть толстые нюансы. Пазняк виноватит Тихановскую за то, что она на грантах. Типа, за что ей деньги дают?
-Встречный вопрос: за что и как жил пресвятой Зенон в Америке и сейчас в Варшаве?
-Что все годы делал пресвятой в Америке? За эти годы родилось и выучилось и стало взрослое целое поколение, а что за эти годы было сделано Зеноном? Почему Тихановская смогла за два года, а Зенон за 26 лет не смог? Или у него маховик тугой и надо еще лет тридцать крутиться?
0
Aresa / адказаць
11.08.2022
Брэхня. Вам уголас казалі ў траўні-чэрвені-ліпені'20, ўлада будзе забіваць, патрэбны сувязі з сілавікамі, кансультуйцеся з нацыянальнай апазіцыяй, якая ўсё гэтае ўжо праходзіла, прасілі больш увагі беларускай мове... Памятаеце, куды вы пасылалі?! Цяпер ня трэба маніць і пужаць Расеяй.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31