Знайсці
09.08.2022 / 09:53РусŁacБел

У Ельскім раёне ноччу сутыкнуліся тры камбайны. За рулём аднаго з іх быў 14-гадовы падлетак

Фота: Моцныя навіны 

Выпадак адбыўся ў чатыры раніцы 7 жніўня ў КСУП «Дабрынь», піша «Гомельская праўда».

Камбайны пакінулі на ноч у полі: не павезлі на мехдвор, хутчэй за ўсё, каб зэканоміць паліва. Вартаваць іх даручылі 20-гадоваму палявому, той паклікаў з сабой свайго 14-гадовага брата. Яны засталіся на ноч у камбайнах, якія не былі зачыненыя.

Пад раніцу падлетак вырашыў пракаціцца: завёў машыну, паехаў заднім ходам і сутыкнуўся з камбайнам, дзе знаходзіўся старэйшы брат. У выніку пашкодзілі жняяркі. Таксама зачапіла трэці камбайн.

Тлумачачы здарэнне кіраўніцтву, хлопцы прыдумалі гісторыю, што ва ўсім вінаватыя паляўнічыя: маўляў, камбайны ім перашкаджалі, яны ж вырашылі перагнаць тэхніку ў іншае месца. Аднак пазней супрацоўнікі міліцыі сталі разбірацца і праўда выявілася. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера