Знайсці
09.08.2022 / 09:40РусŁacБел

У банкаматах Альфа-банка зноў можна здымаць даляры

У банкаматах Альфа-банка зноў можна здымаць амерыканскую валюту — да 500 даляраў на суткі. Пра гэта паведаміла прэс-служба банка.

Фота Myfin.by

Акрамя гэтага, «Альфа-банк» змякчыў абмежаванні на зняцце замежнай валюты ў сваіх аддзяленнях. Максімальную суму замовы даляраў павялічылі з 20 да 50 тысяч, а еўра — з 10 да 20 тысяч.

Беларускія і расійскія рублі ў банку можна атрымаць адразу, калі яны ёсць у наяўнасці. Паколькі буйных сум можа не быць, банк рэкамендуе заказваць сумы, большыя за 5 тысяч рублёў і 50 тысяч расійскіх рублёў.

Час чакання скараціўся з 10 да 5 банкаўскіх дзён.

«Здымаць грошы цяпер можна не адзін раз на месяц, а колькі заўгодна, і нават не абавязкова мець усю суму на рахунку ў момант падачы заяўкі», — гаворыцца ў паведамленні банка.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера