Знайсці
08.08.2022 / 21:222РусŁacБел

Расійскія авіякампаніі пачалі разбіраць самалёты на запчасткі

«Аэрафлот» і іншыя расійскія авіякампаніі пачалі разбіраць лайнеры на запчасткі, якія выкарыстоўваюць для падтрымання іншых самалётаў ва ўмовах санкцый, што забаранілі продаж новых кампанентаў у Расію. Пра гэта паведамляе Reuters са спасылкай на чатыры крыніцы ў галіне.

Фота: AP Photo/ Sergei Ivanov

Крыніца Reuters паведаміла, што як мінімум адзін самалёт Sukhoi Superjet 100 і адзін Airbus A350, эксплуатаваныя «Аэрафлотам», цяпер разбіраюцца на запчасткі. Пры гэтым, па словах суразмоўцы агенцтва, Airbus A350 быў амаль новым. Таксама абсталяванне знялі з пары самалётаў Boeing 737 і Airbus A320.

«Канібалізацыя» самалётаў, якія базуюцца ў Расіі, «толькі пытанне часу», кажа крыніца Reuters у заходняй авіяцыйнай прамысловасці. Агенцтва тлумачыць, што новыя пакаленні самалётаў (A320neo, A350, Boeing 737 MAX і 787) выкарыстоўваюць кампаненты, якія неабходна пастаянна абнаўляць.

Reuters на падставе звестак Flightradar24 падлічыла, што з ліпеня «Аэрафлот» не эксплуатуе каля 50 сваіх самалётаў. Гэта каля 15% парку, у тым ліку тыя самалёты, якія трапілі пад санкцыі. Тры з сямі самалётаў Airbus A350 не ўзляталі ўжо каля трох месяцаў, сярод іх адзін цяпер разбіраецца на запчасткі.

Іншы суразмоўца агенцтва заявіў, што расійскія авіякампаніі цяпер лётаюць па меншай колькасці маршрутаў з-за заходніх санкцый. Гэта азначае, што ў распараджэнні кампаній ёсць неэксплуатаваныя самалёты, якія таксама могуць быць разабраныя на запчасткі.

Пры гэтым забяспечыць пастаўкі запчастак з краін, якія адмовіліся ад санкцый супраць Расіі, будзе складана, бо замежныя кампаніі баяцца другасных санкцый. Кожная дэталь для авіягаліны мае ўнікальны нумар, а канчатковы пакупнік павінен быць вядомы Boeing і Airbus, таму, па словах суразмоўцы Reuters, ні Кітай, ні ААЭ не пагодзяцца пастаўляць неабходныя кампаненты.

Большая частка пасажырскага авіяпарку Расіі складаецца з заходніх самалётаў. Каля 80% авіяпарку «Аэрафлота» — гэта мадэлі Boeing і Airbus. Ад заходніх кампанентаў моцна залежыць і Sukhoi Superjet айчыннай вытворчасці.

Раней здымаць запчасткі з самалётаў рэкамендаваў авіякампаніям экс-віцэ-прэм'ер Юрый Барысаў, які цяпер узначаліў «Раскосмас». Такое рашэнне, па ягоную думку, дасць магчымасць захаваць частку лайнераў у здатным да палётаў стане на працягу яшчэ пяці гадоў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Кто-то урот/адказаць/
08.08.2022
Не понял, так Россия, вроде как с Ираном договорилась, о ремонте и обслуживании боингов и аэрбасов ??? и, не далече, как недели две назад, в сделке по украинскому зерну, Россия выторговала поставки запчастей для самолётов, разрешение на поставки удобрении и разрешение на транзит в Калининградскую область по жд транспорту ???!!!
1
Авіяцыйны канібалізм/адказаць/
08.08.2022
"Но почему аборигены съели Кука? За что — неясно, молчит наука. Мне представляется совсем простая штука: Хотели кушать — и съели Кука! ...А дикари теперь заламывают руки, Ломают копия, ломают луки, Сожгли и бросили дубинки из бамбука — Переживают, что съели Кука"©
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера