Абвастрэнне на Блізкім Усходзе, Ізраіль пачаў ваенную аперацыю ў сектары Газа
5 жніўня Армія абароны Ізраіля пачала антытэрарыстычную аперацыю ў сектары Газы супраць палестынскага руху «Ісламскі джыхад».
Фота ілюстрацыйнае
Выданне newsru.co.il паведамляе, што ізраільская авіяцыя нанесла серыю ўдараў па цэлях у сектары Газа. У прыватнасці, удар быў нанесены па жылым доме, у якім, імаверна, размяшчаўся штаб аднаго з лідараў баевікоў «Ісламскага джыхаду» Тайсіра Джабары. Паведамляецца, што ён нібыта загінуў, бо ізраільская ракета прыляцела проста ў дом.
Прадстаўнікі «Ісламскага джыхаду» паабяцалі біць у адказ па цэнтры Тэль-Авіва.
Паводле Reuters, Міністэрства аховы здароўя Газы сцвярджае, што ў выніку авіяўдараў загінулі 7 чалавек (імаверна, з улікам лідара баевікоў), каля 40 атрымалі раненні.
Міністр абароны Ізраіля выдаў загад аб прызыве да 25 000 рэзервістаў «для аператыўных мэтаў».
