Знайсці
04.08.2022 / 22:333РусŁacБел

За ўдзел у пратэстах затрымалі дырэктара і архітэктараў вядомага праектнага бюро

Днём у чацвер, 4 жніўня, у адным з телеграм-каналаў сілавікоў з'явілася «пакаянныя» відэа з удзелам сямі чалавек. Як вынікае з каментарыя сілавікоў, яны ўсе затрыманыя ГУБАЗіК за ўдзел у пратэстах у 2020 годзе. Сярод іх — сямейная пара і іх цесць з цешчай, якія з'яўляюцца кіраўнікамі і архітэктарамі прыватнага праектнага ўнітарнага прадпрыемства «ТДТІпраект», што спраектаваў шэраг вядомых будынкаў у Мінску, піша «Зеркало».

Уваход у офіс «ТДТІпраект». Фота: Яндэкс

Сярод затрыманых — 65-гадовы дырэктар «ТДТІпраект», ягоная 66-гадовая жонка — галоўны архітэктар арганізацыі, а таксама іх 35-гадовая дачка і яе муж, якія працуюць там жа на пасадах галоўных архітэктараў праектаў.

Усе гэтыя людзі ў «пакаянных» відэа кажуць, што ўдзельнічалі ў пратэсных маршах. «У 2020 годзе я, мая жонка, а таксама цесць і цешча ўдзельнічалі ў акцыях пратэсту і перакрывалі рух грамадскага транспарту. У дадзены момант я і мая сям'я затрыманыя», — прамаўляе на камеру мужчына.

Акрамя таго, у відэа фігуруюць яшчэ тры чалавекі, якія робяць аналагічныя вымушаныя прызнанні. Гэта дзве жанчыны, якія таксама працуюць у сферы праектавання і будаўніцтва (эканаміст у адным з трэстаў і галоўны бухгалтар у ДУП «Белгідраўліка»), і мужчына, які працуе ў турыстычнай кампаніі «Трэвел груп». Апублікаваныя таксама сумесныя здымкі гэтых людзей з пратэстнага маршу.

Калі гэтыя людзі былі затрыманыя і ў якім статусе знаходзяцца цяпер, а таксама ці ўзятыя яны пад варту або знаходзяцца на волі — не ўдакладняецца. Імёны затрыманых таксама не называюць.

Аднак вядома, што дырэктар і галоўны архітэктар «ТДТІпраект» — гэта Ігар і Таццяна Калеснікі.

Фірма «ТДТІпраект», як напісана на яе сайце, працуе з 2008 года, удзельнічала ў праектаванні многіх будынкаў у Мінску, у тым ліку вядомага ВК «Лазурыт» і іншых аб'ектаў у Лебядзіным. Таксама прадпрыемства распрацоўвала канцэпцыю развіцця аэравакзальнага комплексу мінскага аэрапорта, рэалізоўвала праекты ў рэгіёнах Беларусі, Расіі і Туркменістане.

Як пазначана на сайце «ТДТІпраект», сярод яго кліентаў — МТС, Нацыянальная бібліятэка, Кітайска-беларускі індустрыяльны парк «Вялікі Камень», РУП «Нацыянальны аэрапорт Мінск», ДП «Упраўленне капітальнага будаўніцтва Савецкага раёна горада Мінска», Свята-Елісавецінскі жаночы манастыр і іншыя.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Уладзімір/адказаць/
04.08.2022
В августе 2020 года против фальсификаций и против насилия протестовали все порядочные граждане РБ. Кстати, люди имеют законное право на мирные протесты (в нормальном государстве, конечно).
4
Валенты/адказаць/
05.08.2022
Калі гэта яны праектавалі будынкі Св. Елісавецінскага манастыра, дык мне іх не шкада.
1
а я праектую камеры/адказаць/
05.08.2022
"Як пазначана на сайце «ТДТІпраект», сярод яго кліентаў — МТС, Нацыянальная бібліятэка, Кітайска-беларускі індустрыяльны парк «Вялікі Камень», РУП «Нацыянальны аэрапорт Мінск», ДП «Упраўленне капітальнага будаўніцтва Савецкага раёна горада Мінска», Свята-Елісавецінскі жаночы манастыр і іншыя."

фу. нездарма іх затрымалі
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера