Знайсці
01.08.2022 / 20:05

У Кітаі прыдумалі, як праслухоўваць памяшканні праз оптавалаконныя кабелі

Кітайскія даследчыкі з Універсітэта Цінхуа распрацавалі тэхніку падслухоўвання размоў у памяшканні, праз якое праходзіць аптычны кабель, які, напрыклад, выкарыстоўваецца для падлучэння да Інтэрнэту, піша Dev.by.

Гукавыя ваганні ствараюць перапады ціску паветра, з-за якіх у аптычным кабелі ўзнікаюць мікравібрацыі, якія мадулююцца з перадаванай праз кабель светлавой хваляй. Скажэнні, якія ўзнікаюць, можна прааналізаваць на даволі вялікай адлегласці пры дапамозе лазернага інтэрфераметра Макса — Цэндэра.

Падчас эксперыменту навукоўцы змаглі цалкам разабраць размову, якая гучыць пры наяўнасці ў памяшканні перад мадэмам трохметровага адкрытага кавалка аптычнага кабеля. Вымярэнне рабілі на адлегласці 1,1 км ад канца кабеля, які знаходзіўся ў памяшканні.

Далёкасць праслухоўвання і магчымасць фільтрацыі перашкод напрамую залежыць ад даўжыні, на якой знаходзіцца кабель у памяшканні: пры яе змяншэнні памяншаецца і максімальная адлегласць, з якога магчымае праслухоўванне.

Вызначэнне і аднаўленне гукавога сігналу ў сетках аптычнай сувязі можна рэалізаваць незаўважна для аб'екта праслухоўвання і без парушэння выкарыстоўваных камунікацыйных функцый. Для ўкліньвання ў канал сувязі даследчыкі выкарыстоўвалі мультыплексер з падзелам па даўжыні хвалі. Дадатковае зніжэнне ўзроўню фонавага шуму дасягаецца праз балансаванне плячэй інтэрфераметра.

Для супрацьдзеяння праслухоўванню прапануецца скарачаць даўжыню аптычнага кабеля, які знаходзіцца ў памяшканні, і размяшчаць яго ў цвёрдых кабель-каналах. Таксама знізіць эфектыўнасць праслухоўвання дазволіць падключэнне нахільных аптычных раз'ёмаў APC (Angled Physical Connect) замест канектараў з пляскатым тарцом (PC).

Вытворцам аптычных кабеляў рэкамендавана выкарыстоўваць для пакрыцця оптавалакна матэрыялы з высокім модулем пругкасці, такія як метал і шкло.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
5
Панылы сорам
9
Ха-ха
4
Ого
37
Сумна
3
Абуральна
17
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31