Сёння пачынаюць судзіць Фядуту, Зянковіча і Кастусёва — справа «аб змове з мэтай захопу дзяржаўнай улады»
Суд пройдзе ў будынку Мінскага раённага суда (Маякоўскага, 119-а) у закрытым рэжыме.
Мінскі абласны суд сёння пачне разглядаць справу «аб змове з мэтай захопу дзяржаўнай улады» ў будынку Мінскага раённага суда. Фігурантамі па справе праходзяць Юрый Зянковіч, Аляксандар Фядута, Рыгор Кастусёў, Вольга Галубовіч і Дзяніс Краўчук.
Стала вядома, што справу будзе разглядаць суддзя Уладзімір Арэшка.
Працэс будзе праходзіць у закрытым рэжыме.
Зянковіч абвінавачваецца па ч. 1 арт.357 КК (змова з мэтай захопу дзяржаўнай улады неканстытуцыйным шляхам), ч. 1 арт. 361-1 КК (стварэнне экстрэмісцкага фармавання і кіраўніцтва ім), ч. 3 арт. 361 КК (публічныя заклікі да захопу дзяржаўнай улады), ч. 3 арт. 130 КК (распальванне сацыяльнай варожасці).
Фядута і Кастусёў — па ч. 1 арт. 357 КК (змова з мэтай захопу дзяржаўнай улады неканстытуцыйным шляхам).
Галубовіч і Краўчук — па ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак).
