Еўракамісія занялася пытаннем перадачы расійскіх актываў на аднаўленне Украіны
Еўракамісія рыхтуе юрыдычную базу для перадачы замарожаных расійскіх актываў на аднаўленне Украіны, заявіла кіраўніца ЕК Урсула фон дэр Ляен, выступаючы ў Еўрапарламенце.
Фота: AP
«Еўракамісія лічыць справядлівым і рыхтуе прававую базу, каб замарожаныя расійскія актывы і актывы расійскіх алігархаў былі перададзеныя на патрэбы аднаўлення Украіны», — сказала яна.
Урсула фон дэр Ляен дадала, што краіны Еўрасаюза не будуць чакаць завяршэння канфлікту ва Украіне, і ЕС сумесна з краінамі G7 правядзе экспертную канферэнцыю па лёсе расійскіх актываў.
«Аднаўленне запатрабуе каласальных намаганняў. Мы ніколі не праводзілі аперацый такога маштабу, таму нам прыйдзецца сабраць самыя бліскучыя розумы для яе падрыхтоўкі», — адзначыла кіраўніца ЕК.
5
0
0
1
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера