Знайсці
06.07.2022 / 12:332РусŁacБел

МЗС Польшчы: Знішчэнне вайсковых пахаванняў не зменіць гісторыі

У МЗС Польшчы адрэагавалі на разбурэнне помніка польскім жаўнерам у Мікулішках. Там заявілі, што гэтая «ганебная падзея» з’яўляецца прыкладам парушэння цяперашнімі беларускімі ўладамі ўсіх абавязацельстваў у дачыненні да мемарыяльных аб'ектаў на сваёй тэрыторыі.

Знішчанае бульдозерам пахаванне ў Мікулішках

«МЗС з абурэннем прымае паведамлення пра тое, што пахаванне польскіх жаўнераў у Мікулішках Гродзенскай вобласці было знішчанае па загадзе беларускіх уладаў. У 1944 годзе воіны 3-й і 6-й брыгад Арміі Краёвай, складовай часткі Войска Польскага, удзельнікі аперацыі «Вострая брама» змагаліся за вызваленне Вільні ад нямецкай акупацыі і заплацілі за гэта самы высокі кошт. Асабліва шакуе тое, што беларускі бок робіць гэты беспрэцэдэнтны напад якраз напярэдадні гадавіны аперацыі 7 ліпеня», — гаворыцца ў афіцыйнай заяве МЗС Польшчы.

У ведамстве падкрэслілі, што знішчэнне магілы байцоў АК у Мікулішках нагадвае самыя змрочныя старонкі гісторыі камунізму і, улічваючы ранейшыя паведамленні аб спусташэнні польскіх вайсковых пахаванняў, не можа быць успрынятае інакш, як наўмысная акцыя па далейшым пагаршэнні ўзаемаадносін паміж Польшчай і Беларуссю.

«Гэтая вельмі ганебная падзея з’яўляецца прыкладам парушэння цяперашнімі беларускімі ўладамі ўсіх сваіх абавязацельстваў у дачыненні да мемарыяльных абʼектаў на сваёй тэрыторыі, — адзначылі ў МЗС. — Ліквідацыя польскіх магіл і памятных мясцін — яшчэ адзін і самы яскравы прыклад дзеянняў мінскага рэжыму супраць палякаў у Беларусі.

Мы рашуча асуджаем гэтую антыпольскую кампанію беларускіх уладаў, накіраваную на ўстараненне любых слядоў польскасці ў Беларусі. Разбурэнне вайсковых пахаванняў не зменіць гісторыю і не сатрэ памяць пра мінулае. Гэта яшчэ раз паказвае свету варварства цяперашняга рэжыму».

Чытайце таксама:

Кіраўнік польскай дыпмісіі ў Беларусі наведаў зруйнаваныя пахаванні ў Мікулішках

Хто пахаваны пад Мікулішкамі, дзе беларускія ўлады разбурылі могілкі жаўнераў АК

Зраўнялі з зямлёй магілы жаўнераў Арміі Краёвай у Мікулішках на Ашмяншчыне

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Суповой пакетик/адказаць/
06.07.2022
Говорят, в Беларуси - год исторической памяти... Ох и своеобразная же кое у кого память!..
06.07.2022
Прошу напомнить и переопубликовать статью, что была у вас (и на партизане) много лет назад. Про Семашко, что брал денег у немцев и поляков на благоустройство могил солдат. Который со временем успешно внес смуту в Союз Поляков на Беларуси и потом стал крупным прикорытным (пригебешным) бизнесменом в РБ. Из последних его известных действий: при задержании Тихановского и всего массового движа в Гродно накануне выборов и после - все столичные гебешники проживали в его отеле на центральной площади города. Из самых последних: в отеле установлены скрытые камеры UHD для наблюдения за прилегающей территорией городской площади и жилой застройки.
Необходимость то статьи - активная деятельность этого провокатора и агента и его свободный проезд через границу РБ/РП.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031