Знайсці
04.07.2022 / 19:254РусŁacБел

Юрый Чыж за кратамі ўжо больш за год. І паспеў пабываць у «Навінках»

З 15 сакавіка мінулага года сядзіць у СІЗА бізнэсмен Юрый Чыж. За гэты час ён яўна стаў бяднейшым, пабываў у «Навінках» і падаў заяву на камісію па памілаванні, якая яму не адказала. 

Юрый Чыж. Архіўнае фота

Чыжа затрымалі па вяртанні з Масквы. Да таго ён паспеў перапісаць дом у Драздах на нявестку і тануў у судах, дзе былыя партнёры і контрагенты патрабавалі ад яго выплат па даўгах. 

«Да затрымання ён насамрэч быў у кепскім псіхалагічным стане і нават перастаў размаўляць з сынам, падазраючы яго ў здрадзе», — сказаў «Нашай Ніве» сябар Чыжа.

Сэнс крымінальнай справы перагукаўся з ранейшай крымінальнай справай супраць Чыжа ў 2016-м — калі яго затрымлівалі па падазрэнні ва ўхіленні ад сплаты падаткаў і збораў у асабліва буйным памеры. 

Чытайце таксама: Затрыманы Юрый Чыж. Падрабязнасці

Тады справа да суда не дайшла, бо Чыж прызнаў віну і пагадзіўся кампенсоўваць шкоду гады наперад. Але Чыж па абавязацельствах не плаціў, хаця асобныя яшчэ «жывыя» яго бізнэсы прыносілі грошы.

У бізнэс-колах папулярная думка, што насамрэч Чыжа кашмараць па прычыне нібыта схаванага недзе за мяжой мільярда даляраў, які трэба вярнуць у Беларусь. 

Чытайце таксама: Крыніцы: Чыжа кашмараць, бо лічаць, што ён схаваў мільярды, якія трэба вярнуць у Беларусь

У любым разе, за год за кратамі Чыж прыкладаў намаганні для таго, каб скінуць з сябе фармальныя прэтэнзіі. 

У прыватнасці, ён «закрыў» старую гісторыю з Япрынцавым і Чукісавым, якім павінен быў грошай. Але гэтага па невядомых прычынах не хапіла для выхаду. 

Чытайце таксама: Канец гісторыі пра судовых выканаўцаў і Чыжа: былы алігарх прызнаў доўг, а разлік правялі па хітрай схеме

«Камісія па памілаванні, куды ён напісаў ліст пасля пагашэння доўгу перад Чукісавым-Япрынцавым, яшчэ не адказала. Сядзіць», — кажа нам абазнаная крыніца. 

За час знаходжання ў ізалятары Чыж паспеў цяжка перахварэць кавідам, а таксама, як сцвярджаецца, пабываць у псіханеўралагічным аддзяленні ў «Навінках». Чаму яго туды адпраўлялі — пакуль невядома.

Калі будзе прынята рашэнне камісіі аб памілаванні, невядома. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
05.07.2022
як можна памоч юрыю чыжу!?
адкрыйця шчот
05.07.2022
До того он успел переписать дом в Дроздах на невестку
https://nashaniva.com/ru/294731


а вот тут особо антирэсна...

бо на меня мой свекр успел переписать только свой непрофессионализм и галоперидол.

не друкуйце.

бо гэта зусим не смешна
05.07.2022
можа мне юрыю чыжу пасачуствавать і памоч?

дык вы скажыця як

сразу перашлю яму усе свае имеюшчыяшыся срэдствы
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031