Украіна заявіла пра перамогу ў «вайне за боршч». ЮНЕСКА прызнала страву ўкраінскай
Міністр культуры Украіны Аляксандр Ткачэнка паведаміў у сябе ў Фэйсбуку, што камітэт ЮНЕСКА па ахове нематэрыяльнай культурнай спадчыны ўнёс у адпаведны спіс элемент пад назвай «Культура прыгатавання ўкраінскага баршчу».
«Перамога ў вайне за боршч — наша!» — напісаў пры гэтым Ткачэнка. Ён патлумачыў, што ЮНЕСКА прыняла адпаведнае рашэнне па звароце ўкраінскага ўрада. Ён быў накіраваны яшчэ ў сакавіку 2021 года.
Прадстаўніца МЗС Расіі Марыя Захарава ў красавіку заявіла, не прывёўшы якіх-небудзь доказаў, што ва Украіне «нават кулінарныя кнігі забараняліся».
У пятніцу Ткачэнка адказаў на гэтыя сцвярджэнні: «Мы з задавальненнем будзем дзяліцца баршчом і яго рэцэптамі з усімі цывілізаванымі краінамі. Ды і з нецывілізаванымі таксама, каб у іх было хоць нешта светлае, смачнае і ўкраінскае».
На афіцыйным сайце МЗС Расіі боршч адносіцца да «рускіх традыцыйных і нацыянальных страў».
