Знайсці
28.06.2022 / 22:58РусŁacБел

У Польшчы таксама збіраюць грошы на «Байрактар» для Украіны

Натхнёныя прыкладам літоўцаў і ўкраінцаў, польскія актывісты таксама ініцыявалі збор грошай на «Байрактары» для украінскай арміі. 

Згадаўшы пра паспяховыя народныя зборы сродкаў у Літве і Украіне, а таксама пазіцыю кампаніі «Байкар», якая, уражаная салідарнасцю, перадала беспілотнікі ўкраінцаў задарма, польскія ініцыятары збору звяртаюцца да суайчыннікаў:

«Памятаеце Бучу, Ірпень, Марыупаль? Давайце прымем удзел у гэтай бітве. Купім польскія Байрактары! Сума надзвычай амбіцыйная, але збор ідзе выдатна! Калі мы збярэм менш, перадамо ўсё ў Фонд Узброеных сілаў Украіны ў Нацыянальным банку Украіны. Тое ж самае мы зробім з лішкам».

Пастаўленая задача сабраць 22 500 000 злотых (каля 5 000 000 даляраў). Пакуль сабралі каля 250 000 злотых, але наперадзе яшчэ месяц збору.

Чытайце таксама:

Украінцы сабралі грошы на чатыры «Байрактары» за тры дні. Хоць збіраліся на тры за тыдзень

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера