Кіраўнік украінскай разведкі: Мы пераможам да канца года
Пра гэта начальнік Галоўнага ўпраўлення разведкі Мінабароны Украіны Кірыл Буданаў заявіў у інтэрв'ю брытанскаму тэлеканалу ITV.
«Украіна вернецца да сваіх граніц 1991 года, іншых сцэнарыяў не будзе і ніякіх іншых сцэнарыяў мы не разглядаем. Пачынаючы са жніўня, будуць адбывацца пэўныя падзеі, якія прадэманструюць усяму свету, што пераломны момант пачынае адбывацца», — заявіў ён.
Буданаў падкрэслівае, што Украіна, нягледзячы на паступовае адступленне на ўсходнім напрамку, якое ён назваў тактычным, дамагаецца поспехаў у іншых рэгіёнах, у прыватнасці, ва акупаванай Расіяй Херсоншчыне.
Буданаў і раней рабіў падобныя заявы. У маі ён заяўляў, што да канца года Украіна павінна зайсці на тэрыторыю Крыма. У той жа час ён кажа, што Украіне не хапае зброі, каб рабіць больш рашучыя крокі.
