Знайсці
20.06.2022 / 16:17РусŁacБел

Фізічны аб'ём экспарту скараціўся на 40%. Тры важныя высновы пра цяперашні стан эканомікі

Прадстаўнік Ціханоўскай па эканамічных рэформах Алесь Аляхновіч аналізуе наступствы вайны і санкцый для беларусаў.

«Выйшла важная статыстыка Белстата па дынаміцы ВУП (валавы ўнутраны прадукт) і цэнаў за травень і красавік, — піша Аляхновіч. —

Даныя паказваюць устойлівую тэндэнцыю на скарачэнне выпуску ў Беларусі: з +2,7% у студзені да -8,6% у траўні.

Страта ў дынаміцы складае 11,3 працэнтнага пункта за 5 месяцаў. Гэта вельмі імклівае падзенне вытворчасці — і гэта, мабыць, яшчэ не дно.

Алесь Аляхновіч

Раней наша эканамічная каманда прагназавала спад экспарту на 40%. Індэкс фізічных аб'ёмаў экспарту пацвярджае ранейшыя прагнозы. У сувязі са зніжэннем экспарту ў краіны, якія ўвялі санкцыі, стратай рынку Украіны і рэцэсіяй у РФ у красавіку 2022-га фізічны аб’ём экспарту скараціўся на 42,5% у параўнанні з красавіком 2021-га. Хаця ў студзені 2022 года яго падзенне складала толькі 1%.

Радыкальнага падзення вартасці экспарту пакуль не бачна выключна за кошт высокіх цэн. Сярэднія цэны экспарту з Беларусі выраслі ў красавіку на 35%.

У красавіку Беларусь практычна перастала экспартаваць свае тавары не толькі ва Украіну, але і ў Вялікабрытанію, а экспарт у ЗША і ЕС скараціўся на 74% і 38% адпаведна. Рост экспарту ў РФ не дазволіў кампенсаваць падзенне экспарту ў іншыя краіны.

Такім чынам — тры высновы:

— ВУП Беларусі імкліва скарачаецца. Пры гэтым падзенне выпуску прадукцыі яшчэ нават не дасягнула дна.

— Санкцыі працуюць. У красавіку 2022-га фізічны аб’ём экспарту скараціўся на 42,5% у параўнанні з красавіком 2021 г.

— Нягледзячы на шматлікія заявы, беларускі рэжым не здолеў перанакіраваць патокі экспарту з краін Захаду і Украіны на РФ».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера