У Літве затрымалі 77-гадовага кантрабандыста, што вёз з Беларусі 45 тысяч пачкаў цыгарэт
14 чэрвеня ў Шальчынінкай за рулём цягача затрыманы кантрабандыст-ветэран. Нелегальныя цыгарэты былі выяўленыя сярод дэкаратыўных камянёў. Падазраванаму грамадзяніну Літвы амаль 80 гадоў, паведамляе Delfi.lt.
MKT
Крыміналісты літоўскай мытні адзначылі, што цягач Man з Беларусі ў Літву праз Шальчынінай заехаў 14 чэрвеня. Машынай кіраваў 77-гадовы віленчук, ён паказаў, што вязе 20 т дэкаратыўных камянёў.
Мытнікі вырашылі праверыць груз з дапамогай рэнтгена. Падазрэнні пацвердзіліся: паміж камянямі былі скрыні з цыгарэтамі. З-за складанай працэдуры разгрузкі, дакладная колькасць кантрабанды пакуль невядомая, аднак на гэты момант ужо знайшлі 45 000 пачкаў беларускіх цыгарэт Minsk і NZ Gold (на суму 160000 еўра, калі лічыць з падаткамі). Цыгарэты і цягач затрыманыя. Быў затрыманы і кіроўца. Расачатае расследаванне.
16 чэрвеня Віленскі ўчастковы суд дазволіў адпусціць падазраванага, яму давядзецца рэгулярна рэгістравацца ў паліцыі.
