Знайсці
17.06.2022 / 09:23

Украінскія ўлады сцвярджаюць, што Захад дае Украіне мала ўзбраення. Вось што на гэта адказалі амерыканскія вайскоўцы

Украінскія ўлады ўвесь час наракаюць, што Захад робіць недастаткова для падтрымкі Украіны ў вайне з Расіяй. Адна з галоўных прэтэнзій у тым, што Захад нібыта дае Украіне недастаткова зброі — усяго 10% ад неабходнай колькасці. На гэтыя абвінавачванні адрэагавалі міністр абароны ЗША Лойд Осцін і генерал Марк Мілі. 

Некалькі дзён таму намесніца міністра абароны Украіны Ганна Маляр заявіла, што Узброеным сілам Украіны не хапае ўзбраення для паспяховага супрацьстаяння акупантам. Яна сцвярджае, што армія атрымала ад Захаду толькі 10% зброі ад запытанага ўкраінскім бокам аб'ёму. 

У сваю чаргу дарадца кіраўніка Офіса прэзідэнта Украіны Міхаіл Падаляк назваў аб'ём узбраенняў, які патрэбны Украіне ад Захаду, каб скончыць вайну, недастатковым. Па яго словах, для парытэту ў цяжкай зброі Украіне неабходна:

  • 1000 гаўбіц 155-мм;
  • 300 РСЗА;
  • 500 танкаў;
  • 2000 адзінак бронетэхнікі;
  • 1000 дронаў.

Увесь час на нерашучасць і павольнасць хаўруснікаў наракаюць і іншыя ўкраінскія чыноўнікі і палітыкі. Заходнія журналісты гэтыя заявы бачаць, і таму яны спыталі 15 чэрвеня пасля «Рамштайн-3» (сустрэчы ў Бруселі ў штаб-кватэры НАТА дзясяткаў міністраў абароны заходніх краін па пытанні дапамогі Украіне) у амерыканскіх вайскоўцаў, што яны пра гэта думаюць. 

Вось якімі былі адказы міністра абароны ЗША Лойда Осціна і старшыні Аб'яднанага камітэта начальнікаў штабоў ЗША генерала Марка Мілі. 

У адказ на пытанне журналіста аб тым, што «Украіна публічна запытала вялікі спіс зброі, сярод якога 1000 гаўбіц, 500 танкаў і 300 сістэм залпавага агню», а ЗША і іх хаўруснікі не даюць такой колькасці зброі, генерал Мілі адказаў:

«Наконт лічбаў. Я не ведаю, адкуль гэтыя лічбы, на якія вы спасылаецеся, але я гаварыў з генералам Залужным, і мы атрымліваем спісы. Гэта афіцыйныя запыты ад іх Міністэрства абароны. Яны прасілі 10 батальёнаў артылерыі — было пастаўлена 12 батальёнаў артылерыі. Зноў жа, было пастаўлена 97 тысяч процітанкавых сістэм. Гэта больш процітанкавых сістэм, чым танкаў у свеце. Яны прасілі 200 танкаў — яны атрымалі 237 танкаў. Яны прасілі 100 баявых машын пяхоты — яны атрымалі больш за 300. Мы паставілі 1600 або каля таго сістэм СПА і каля 60 тысяч ракет да іх. Калі я кажу «мы», я маю на ўвазе міжнародную супольнасць.

260 артылерыйскіх ствольных сістэм — альбо ракетная, альбо ствольная артылерыя ўжо пастаўлена. Усяго 383 адзінкі, і, як я ўжо сказаў, амаль паўмільёна артылерыйскіх снарадаў таксама пастаўлена.

Лойд Осцін узяў пад сумнеў заўвагу са спасылкай на намесніка міністра абароны Украіны, што Украіна атрымлівае толькі 10% ад той зброі, якую просіць, сказаўшы, што ён не ведае, хто казаў пра гэтыя 10 адсоткаў, і параіў звярнуцца да намесніка міністра па разгорнуты каментар. І што толькі што ў іншым пакоі ён гутарыў з міністрам абароны Украіны Аляксеем Рэзнікавым, з якім падтрымлівае рэгулярны кантакт, як і генерал Мілі, некалькі разоў на тыдзень гутарыць з генералам Залужным.

«Мы сёння, як ужо неаднаразова абмяркоўвалі пункт за пунктам, што ім трэба, і што актуальна ў гэтай барацьбе. Мы ўпэўненыя, што прыкладаем усе намаганні, каб даць ім усё тое, што яны лічаць патрэбным». 

Выходзіць, насамрэч украінскія і заходнія вайскоўцы, як відаць з адказаў амерыканцаў, маюць нашмат лепшы ўзровень камунікацыі і супрацоўніцтва, чым пра гэта кажуць украінскія чыноўнікі ў сваіх папулісцкіх заявах. 

Навошта ўкраінскія палітыкі згушчаюць фарбы? Магчыма, для таго, каб сваімі заявамі паўплываць як на ўкраінскую грамадскую думку, так і на грамадскую думку заходніх краін — каб тыя падганялі сваіх палітыкаў і вайскоўцаў яшчэ больш дапамагаць Украіне. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
59
Панылы сорам
11
Ха-ха
3
Ого
12
Сумна
2
Абуральна
7
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31