Знайсці
02.07.2022 / 14:18

Рэцэпт на выхадныя. Бульбяны гратэн — простая страва для летняй вячэры

Гратэн (gratin) — гэта французская страва, запечаная ў духоўцы да стварэння прыгожай скарыначкі. Зараз прапануем вам англійскі варыянт гратэна. Яго можна і падаваць са свінінай, і есці проста так.

Фота: BBC Food

Каб згатаваць англійскі гратэн, вам спатрэбіцца:

  • 250 грамаў бульбы, парэзанай на кубікі з гранямі прыкладна па 2,5 сантыметра,
  • 2 ачышчаныя морквы, парэзаныя кружочкамі,
  • 50 грамаў масла,
  • 1 ачышчанае і тонка нарэзанае сцябло цыбулі-парэя,
  • 200 грамаў бекону, які трэба нарэзаць кубікамі,
  • 50 грамаў мукі,
  • 200 мілілітраў яблычнага соку,
  • 300 мілілітраў малака,
  • соль і чорны перац,
  • трохі чабору,
  • 2 сталовыя лыжкі аліўкавага алею.
  1. Закіпяціце ваду ў каструлі і варыце ў ёй кубікі бульбы хвілін з 7 ці пакуль яна не будзе напалову гатовая. Дадайце моркву і варыце гародніну яшчэ 7—8 хвілін або пакуль морква і бульба не стануць мяккімі. Зніміце з агню і працадзіце.
  2. Тым часам нагрэйце глыбокую патэльню на сярэднім агні. Растапіце на ёй масла і абсмажце разам цыбулю-парэй і бекон 7—8 хвілін ці пакуль цыбуля не стане мяккай, а бекон — залаціста-карычневым.
  3. Разагрэйце грыль да гарачага стану (можна выкарыстоўваць рэжым грылю ў духоўцы).
  4. Дадайце ў патэльню з беконам муку, перамяшайце і гатуйце ўсё на агні адну хвіліну. Паступова дадавайце ў патэльню яблычны сок і малако, перамешвайце ўсё, пакуль у вас не атрымаецца аднародны соус. Давядзіце сумесь да кіпення і тушыце яе дзве хвіліны.
  5. Дадайце ў патэльню бульбу і моркву і добра ўсё перамяшайце, каб садавіна пакрылася соусам. Пакаштуйце сумесь і запраўце яе соллю і перцам на смак.
  6. Выкладзіце сумесь у форму для запякання сярэдніх памераў (прыкладна 28 на 22 сантыметры). Шчодра пасыпце будучы гратэн лісцем чабору і паліце яго алеем. Запякайце страву пад разагрэтым грылем на працягу 10 хвілін ці пакуль гратэн не набудзе залацістую скарыначку.

Пачынаем сезон клубніц. Рэцэпт на выхадныя: клубнічны чызкейк

Рэцэпт на выхадныя. Халодны суп гаспача — тое, што трэба ў летнюю спёку

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30