Знайсці
09.06.2022 / 13:23

Прычынай заўчаснай смерці Сержа Мінскевіча маглі стаць наступствы кавіду

На кавід паэт-авангардыст перахварэў тры разы.

Сябры і калегі паэта распавялі «Нашай Ніве», што ў Сержа (Сяргея Мыцько) здарыўся гіпертанічны крыз, да якога прывялі кавідныя ўскладненні. Мужчыну было 53 гады.

«У Сержа былі праблемы са страўнікам, а вось каб з сэрцам — не памятаю», — кажа паэт і літаратуразнавец Віктар Жыбуль.

Серж Мінскевіч. Фота: Фэйсбук

«Я яго не пазнаў, калі нядаўна размаўлялі — так складана яму было гаварыць. Казаў, што некалькі разоў хварэў на кавід і ўсё не можа аднавіць здароўе. Было адчуванне чалавека пасля інсульту», — адзначае крытык Ціхан Чарнякевіч.

Падобныя ўражанні ад апошняй размовы апісвае і паэт Зміцер Вішнёў.

Развітанне з Сержам Мінскевічам адбудзецца 10 чэрвеня ў 13.45 па адрасе завулак Кабушкіна, 49, Дом смутку «Цырыманіял» (уваход з боку вуліцы Куляшова).

У 1990-я Мінскевіч быў адным з арганізатараў і актыўных удзельнікаў літаратурна-мастацкага руху «Бум-Бам-Літ». Ëн зрабіў поўны пераклад «Дзядоў» Адама Міцкевіча, «Крымскіх санетаў», абараніў кандыдацкую дысертацыю па творчасці класіка. Таксама перакладаў Славацкага, Івашкевіча, Галчынскага, Маслоўскую, Герберта, Мрожэка, і дзясяткі іншых аўтараў.

Ëн пісаў фантастыку («Сад замкнёных гор») і кнігі для дзяцей («Прыгоды Какоса Маракоса»). У апошнія гады выступаў як літаратуразнаўца.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30