Moderna вынайшла вакцыну супраць Covid-19, нацэленую на «Амікрон»
Даследаванні паказалі, што яна вельмі эфектыўная супраць новага штама. Яе збіраюцца пачаць ужываць увосень.
Фота: Marco Verch/wuestenigel.com
Moderna Inc. заявіла, што мадыфікаваная бустарная прышчэпка ад Covid-19 ў новым даследаванні забяспечыла больш моцны імунны адказ супраць варыянту «Амікрон», чым ранейшая вакцына кампаніі.
Даследнікі выявілі, што ўзроўні антыцелаў супраць «Амикрона» ў людзей, якія атрымалі мадыфікаваную прышчэпку, былі ў 1,75 разу вышэйшыя, чым у людзей, якія атрымалі паўторную прышчэпку ранейшай вакцыны, паведамляе Moderna.
Moderna разлічвае летам паведаміць аб тым, як трымаецца ўзровень антыцелаў у людзей праз тры месяцы пасля атрымання двухвалентнага бустара. Калі ўсё будзе добра, то ўжо ўвосень яе будуць актыўна ўжываць у якасці «бустарнай» вакцынацыі.
