Знайсці
08.06.2022 / 10:11РусŁacБел

Рынак новых аўтамабіляў рухнуў. Наперадзе — дэфіцыт

За май рынак новых аўтамабіляў упаў на 30%. Калі параўноўваць з маем 2021 года, то падзенне перавысіла 80%. Беларуская аўтамабільная асацыяцыя прагназуе таксама дэфіцыт машын.

У маі ў Беларусі было прададзена 629 аўтамабіляў. Гэта на 30% менш, чым у красавіку.

Паводле інфармацыі Беларускай аўтамабільнай асацыяцыі, такі вынік звязаны з істотнай зменай цэнаў на большасць папулярных мадэляў, а таксама пагаршэннем умоў крэдытавання.

У апошнія гады больш за 70% продажаў беларускага рынку прыпадала на аўтамабілі, вырабленыя ў Расіі. Пачынаючы з сакавіка вытворцы павышалі адгрузачныя цэны — ад 40 да 70%. Пазней адбылося ўмацаванне курсу расійскага рубля, што таксама паўплывала на фармаванне прайс-лістоў і прывяло да сумарнага павелічэння коштаў для беларускіх дылераў да 95%.

Паводле прагнозаў Беларускай аўтамабільнай асацыяцыі, ёсць усе перадумовы для таго, каб сітуацыя пагоршылася.

Улічваючы тое, што большасць аўтамабільных заводаў у Расіі спыніла вытворчасць, пакупнікі ў Беларусі ўжо ў найбліжэйшыя месяцы могуць сутыкнуцца з дэфіцытам аўтамабіляў.

Усе аўтамабільныя дылеры цяпер знаходзяцца ў няпростым становішчы. У сітуацыі, якая склалася, адзінай крыніцай даходу для іх застаецца сэрвіс.

«Масквіч» з бяросты і лыка. Эксперт — аб тым, якая будучыня чакае расійскі аўтапрам пасля сыходу Renault

Беларусы застануцца без новых Volkswagen? 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера