Палітвязня Арцёма Мядзведскага, які ў лютым збег з «хіміі», перавялі ў калонію «Воўчыя норы»
Палітзняволены Арцём Мядзведскі на пачатку лютага здолеў уцячы з папраўчай установы №45. Ён збег з бальніцы ў Камянцы, куды трапіў з лёгкім страсеннем мозгу пасля таго, як паслізнуўся і зваліўся ў будынку калоніі. Але праз некаторы час Арцёма затрымалі і вярнулі ў папраўчую ўстанову, паведамляюць праваабаронцы.
У канцы красавіка суддзя Аксана Шкель пастанавіла перавесці Мядзведскага з «хіміі» ў калонію тэрмінам на 9 месяцаў.
Стала вядома, што адбываць тэрмін Арцёма накіравалі ў папраўчую калонію №22.
***
Арцёма затрымалі 19 кастрычніка 2020 года. Яго абвінавацілі ў тым, што ён увечары 10 жніўня ўдзельнічаў у акцыі пратэсту каля станцыі метро «Пушкінская», выкаціў на дарогу камень, што прывяло да блакавання праезнай часткі. 15 студзеня 2021 года палітвязню прысудзілі 3 гады «хіміі».
Падтрымайце палітвязня: ПК №22, 225295, Брэсцкая вобласць, г. Івацэвічы, ст. Даманава, а/с 20.
