Знайсці
27.05.2022 / 07:54РусŁacБел

За забойства жонкі жыхару Светлагорска далі 18 гадоў пазбаўлення волі. Яна назвала яго чужым іменем

У чацвер Гомельскі абласны суд на выязным пасяджэнні ў Светлагорску вынес прысуд 46-гадоваму мясцоваму жыхару, абвінавачанаму ў жорсткім забойстве жонкі, паведамляе мясцовае выданне «Ранак».

Фота ілюстрацыйнае

Згодна з матэрыяламі справы і паказаннямі мужчыны ў судзе, яны з жонкай разам выпілі, затым пасварыліся. Мужчына збіў яе, але потым супакоіўся, яны ляглі спаць. Аднак калі жанчына назвала мужа чужым імем, ён зноў пачаў яе біць. У выніку яна памерла.

Судмедэкспертыза паказала, што ў загінулай былі шматлікія пераломы рэбраў, разрывы печані і селязёнкі, ацёк галаўнога і спіннога мозгу, кровазліццё ў мозг. Муж нанёс ёй не менш за 48 удараў.

Як высветлілася на судзе, гэта быў не першы выпадак агрэсіі ў сям'і. Калегі жанчыны распавялі, што яна часам прыходзіла на працу з сінякамі. Але пры гэтым на мужа не скардзілася.

Суд прызнаў мужчыну вінаватым і вынес яму прысуд — 18 гадоў пазбаўлення волі ў калоніі ўзмоцненага рэжыму. Таксама ён павінен будзе выплаціць 80 тысяч рублёў маці забітай жонкі. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031