Знайсці
25.05.2022 / 18:23

Кіраўніка санаторыя «Беларусь» у Юрмале ўнеслі ў латвійскі «чорны спіс»

У «чорны спіс» Латвіі ўнеслі дырэктара юрмальскага санаторыя «Беларусь», які належыць дзяржаўным структурам Беларусі, Аляксандра Груздова. Акрамя таго, у пералік уключылі яго калегу — кіраўніка расійскага санаторыя «Бурштынавы бераг». Пра гэта паведамляе delfi.lv са спасылкай на дзяржаўную службу бяспекі Латвіі.

Санаторый «Беларусь» у Юрмале

У дзяржаўнай службе бяспекі пацвердзілі — грамадзянін Расіі Віктар Данілаў і грамадзянін Беларусі Аляксандр Груздоў працяглы час знаходзяцца ў поле зроку службы ў сувязі з дзейнасцю, якая адпавядае расійскім інтарэсам і можа пагражаць нацыянальнай бяспецы Латвіі.

«У сувязі з гэтым у сакавіку служба дзяржбяспекі заклікала міністра ўнутраных спраў уключыць уладальнікаў санаторыяў у чорны спіс — гэта значыць у спіс замежных грамадзян, якім забаронены ўезд у Латвію», — піша выданне.

Абодва санаторыі знаходзяцца пад санкцыямі Еўрапейскага Саюза, а значыць, ім нельга даваць ніякія фінансавыя ці эканамічныя рэсурсы.

Санаторый «Беларусь» належыць Упраўленню справамі прэзідэнта Беларусі, гэта значыць фактычна кантралюецца Аляксандрам Лукашэнкам. Ён знаходзіцца пад санкцыямі ЕС.

У красавіку стала вядома, што з-за абмежаванняў санаторый спыніў працу. Дырэктар «Беларусі» Аляксандр Груздоў з'ехаў на радзіму. Ён сцвярджаў, што яго пазбавілі віду на жыхарства, а напярэдадні дэпартацыі латвійскія спецслужбы нібыта прапаноўвалі яму падпісаць паперы аб непрызнанні Лукашэнкі легітымным прэзідэнтам і асудзіць вайну Расіі супраць Украіны.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31