Знайсці
25.05.2022 / 19:45

«Я была на мяжы дэпрэсіі». Экс-вядучая «Беларусь 1» Вера Карэтнікава распавяла пра пераезд і жыццё на Паўночным Кіпры

Cпявачка і экс-вядучая «Беларусь 1» Вера Карэтнікава перабралася на Паўночны Кіпр разам з мужам і двума сынамі, распавядае «Камсамольская праўда».

Усе фота: vera_karetnikova / Instagram

Пра тое, што Вера Карэтнікава пераехала, стала вядома на пачатку лютага 2022 года. Тады Вера ў адной з сацсетак распавяла, што пераезд быў у прынцыпе даўно запланаваным, аднак «падзеі апошняга часу прымусілі значна паскорыцца і не жаваць вату, як гаворыцца».

— Выдатны клімат, адсутнасць буйных вытворчасцей, абсалютна экалагічнае месца, чыстыя прадукты, дастаткова недарагое жыццё, сонца, шмат сонца, — расказвала тады Вера. Таксама яна канстатавала: для таго, каб уладкавацца на новым месцы абавязкова патрэбная падушка бяспекі — мінімум 20-30 тысяч даляраў на год.

Зімова-вясновы перыяд Вера разам з мужам і двума сынамі правяла на Паўночным Кіпры, дзе сёлета было не так і цёпла.

У сацсетцы вядучая публікуе карцінкі са свайго жыцця: фота на фоне прыгожай прыроды і мора.

Але Карэтнікава прызналася, што падрыхтоўка да пераезду, ён сам і працэс адаптацыі на новым месцы былі настолькі стрэсавымі, што яна вельмі істотна паправілася.

‒ Я даўно не працую там, дзе забаронена мець у профілі фота такога зместу, таму хачу адкрываць маю старонку і бачыць мяне такую! Таму што прарабіла насамрэч вялікую працу над сабой і вельмі сабой ганаруся! Калі мы перабраліся на Кіпр, я была шчаслівая, што было холадна! І мой XXXXXL оверсайз байкавы касцюм мяне вельмі ратаваў! Таму што важыла я 83 кілаграмы!!!:) Я была практычна на мяжы дэпрэсіі. У люстэрка глядзець было немагчыма. Я была нібы бочка негатыву, марыла надзець шорты ўпершыню за шмат гадоў! — эмацыйна распавяла артыстка.

Вера прыклала шмат намаганняў, сілы волі, звярнулася па дапамогу да прафесійнага трэнера. І дамаглася сваёй мэты.

Нягледзячы на тое, што на здымках новае жыццё былой вядучай БТ выглядае як працяглы адпачынак, Карэтнікава піша, што не варта падманвацца.

«Не здарылася так, што мы пераехалі на ўзбітыя падушкі, накрухмаленыя прасціны і на тумбачцы ляжаць ключы ад усіх неабходных нам адчыненых дзвярэй. Мы пражываем зусім новае для нас жыццё. Пракладваем новую дарогу. Мы вучымся жыць адзін з адным у новых умовах. Я б таксама хацела ведаць, як гэта — пастаянна адпачываць. Але толькі ў тэорыі. Таму што мы так не ўмеем, на жаль ці на шчасце:) Нас так не вучылі:) Мы стараемся з усіх сіл выкройваць час адзін для аднаго. І пакуль гэта задача таксама не з простых! Але нас вельмі ратуе сонца!

Ад суму, ад нуды, ад засмучэння! Таму мне і хочацца дзяліцца з вамі толькі гэтымі маляўнічымі момантамі! Цяпер для ўсіх нас менавіта яны ў дэфіцыце», — піша спявачка.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
17
Панылы сорам
21
Ха-ха
10
Ого
1
Сумна
4
Абуральна
8
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31