Знайсці
24.05.2022 / 23:14РусŁacБел

Джордж Сорас усклаў адказнасць за залежнасць Еўропы ад Пуціна на Ангелу Меркель

Фінансіст-мільярдэр Джордж Сорас усклаў віну за еўрапейскую газавую залежнасць ад Расіі непасрэдна на «спецыяльныя пагадненні» экс-канцлеркі Германіі Ангелы Меркель з Масквой. Пра гэта, як паведамляе выданне Politico, ён сказаў у прамове на палях Сусветнага эканамічнага форуму ў Давосе.

Джордж Сорас. Фота Фабрыс Кафрыні/AFP праз Getty Images

«Залежнасць Еўропы ад расійскага выкапнёвага паліва застаецца празмернай, у асноўным з-за меркантылісцкай палітыкі, якую праводзіла былая канцлерка Ангела Меркель», — сказаў Сорас.

«Яна заключыла спецыяльныя пагадненні з Расіяй па пастаўках газу і зрабіла Кітай найбуйнейшым экспартным рынкам Германіі», — заявіў ён. Таксама Сорас дадаў, што, хоць цяперашняга канцлера Германіі Олафа Шольца абралі працягваць палітыку Меркель, ён «здаецца, у рэшце рэшт усё ж робіць правільныя рэчы», спасылаючыся на крокі па адмове ад» Паўночнага патоку-2», павелічэнне выдаткаў на абарону і адпраўку зброі Украіне.

Пры гэтым Сорас неаднаразова пахваліў прэм'ер-міністра Італіі Марыё Драгі, які аказаўся «адважнейшым, хоць газавая залежнасць Італіі амаль такая ж высокая, як і ў Германіі».

Раней Джордж Сорас заяўляў, што ўварванне Расіі ва Украіну, магчыма, стала пачаткам Трэцяй сусветнай вайны, таму для Захаду важна нанесці паразу сілам прэзідэнта Расіі Уладзіміра Пуціна.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера