Знайсці
23.05.2022 / 18:09

Па законе можна, а па факце — не. Чаму ў Беларусь немагчыма ўвезці электрамабіль без сплаты мыта?

Савет Еўразійскай эканамічнай камісіі яшчэ ў сакавіку апублікаваў рашэнне абнуліць мытную пошліну на ўвоз электрамабіляў да 2024 года. Праз дзесяць дзён норма мусіла набыць сілу, але прывезці электрамабіль, не сплаціўшы мыта, немагчыма дагэтуль. «Наша Ніва» расказвае, у чым прычына.

Фота: tesla.com

Пошліны абнуляюць не ў першы раз

Папярэдні раз Савет ЕЭК абнуляў пошліны на электрамабілі з 4 мая 2020 года па 31 снежня 2021 года. На працягу гэтага перыяду ў жадаючых не ўзнікала ніякіх перашкод, каб скарыстацца такой магчымасцю. 

З наступленнем 2022 года пошліна вярнулася. Ад 1 студзеня пры ўвозе электрамабіляў у краіну трэба аплочваць 15% пошліны. 

Аднак у сярэдзіне красавіка ў СМІ (у тым ліку дзяржаўных) пачала з’яўляцца інфармацыя пра тое, што неўзабаве беларусы зноў змогуць прывозіць электрамабілі з трэціх краін без сплаты мыта. 

Рашэнне Савета ЕЭК № 39, прынятае 17 сакавіка, прадуглежвала адмену пошліны на ўвоз электрамабіляў. Аднак у адрозненне ад папярэдняга дакумента ў ім маецца некалькі раней невядомых выключэнняў і патрабаванняў. 

Усім можна, а расіянам — не

Дакумент прадугледжвае, што ад выплаты пошліны вызваляць толькі грамадзян Беларусі, Арменіі, Казахстана і Кіргізіі. То-бок, расіяне пад змены не падпадаюць. Апроч гэтага, не дапускаецца перадача правоў валодання, карыстання і распараджэння электрамабілямі асобам, якія маюць грамадзянства і / або пастаянна жывуць у Расіі. Абмежаванні дзейнічаюць да моманту сплаты пошлін, але не больш за тры гады ад даты рэгістрацыі пасажырскай дэкларацыі. 

Яшчэ адным важным момантам, якога не было раней, з’яўляецца патрабаванне перадаць у мытны орган адпаведнай дзяржавы —члена ЕЭК дакумент, выдадзены ўпаўнаважаным органам названай дзяржавы, які ўтрымлівае звесткі пра асобу, што ажыцяўляе ўвоз такіх тавараў, колькасць увазных тавараў і іх кошт. Поўны тэкст дакумента можна пачытаць тут. 

Орган дагэтуль нявызначаны

Менавіта праз патрабаванне падаць гэты дакумент у беларусаў няма магчымасці сплачваць 0% пошліны замест 15%. Справа ў тым, што ў Беларусі, дагэтуль не вызначылі той самы ўпаўнаважаны орган, які будзе выдаваць неабходны дакумент.

Як паведамілі ў мытні, пакуль невядома, што гэта будзе за орган, які будзе выдаваць дакумент, пра які гаворыцца ў рашэнні Савета ЕЭК № 39. Калі будзе вызначаны гэты орган, у мытні таксама не ведаюць. Таму вынікае, што праз немагчымасць атрымаць дакумент, патрэбны для размытнення па стаўцы 0%, усе электрамабілі пакуль размытніваюцца па пошліне ў памеры 15% ад мытнай вартасці. Пры размытненні па 140-м указе — 7,5%.

Адзначым, што на афіцыйным сайце мытні інфармацыі пра размытненне электрамабіляў па стаўцы 0% няма. Усе звесткі тычыцца 15%-най стаўкі, якая зараз фактычна і ўжываецца.

Чытайце таксама:

Эканомія складае тысячы даляраў. Купля і прыгон аўто з Еўропы і ЗША — што варта ведаць

«Цэны нават у валюце выраслі да 30%». Што адбываецца з новымі аўтамабілямі ў Беларусі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
4
Ха-ха
1
Ого
Сумна
Абуральна
4
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31