У Полацку плануюць абнавіць кальцавую развязку. Вось два варыянты, як яна можа выглядаць
У Полацку да 1160-годдзя горада збіраюцца абнавіць кальцавую развязку «Танк». Старшыня райвыканкама Ігар Маркавіч апублікаваў два эскізы, якія прапануюцца.
Так кальцо выглядае цяпер
Першы варыянт (паколькі Полацк — духоўны цэнтр краіны, звязаны з прападобнай Еўфрасінняй Полацкай) — усталяваць у цэнтры развязкі вялікі светлавы крыж, з двух бакоў ад якога будуць шэрагі зенітных пражэктараў.
Першы варыянт
Тых, хто ўязджае ў горад з Мінскага напрамку, будзе вітаць светлавы надпіс з аб'ёмных літар «ПОЛАЦК». Танк мяркуецца пакінуць на ранейшым месцы, толькі дапоўніўць пражэктарамі і акультурыць пастамент шэрым светлым гранітам.
Другі варыянт — перамясціць танк у цэнтр. А крыж паставіць на дарожным астраўку ў напрамку мікрараёна Аэрапорт.
Другі варыянт
Абмеркаваць ідэі старшыня Полацкага райвыканкама прапануе ў яго ў каментарах.
