Суд над расійскім вайскоўцам ва Украіне: Я стрэліў, каб ад мяне адчапіліся
Абвінавачаны ў забойстве мірнага жыхара ў Сумскай вобласці расійскі вайсковец Вадзім Шышымарын распавёў, што застрэліць мірнага жыхара яму загадаў прапаршчык і яшчэ адзін чалавек, які знаходзіўся разам з імі ў аўтамабілі.
Па словах Шышымарына, першапачаткова мірнага жыхара заўважылі прапаршчык і гэты пасажыр аўтамабіля, незнаёмы Шышымарыну. Прапаршчык убачыў, што прахожы Шэлепаў размаўляе па тэлефоне і сказаў Шышымарыну страляць.
Пасля гэтага да Шышымарына развярнуўся невядомы і пачаў крычаць, каб ён страляў, бо інакш яны апынуцца ў небяспецы.
Шышымарин стрэліў кароткай чаргой, цела ён не бачыў. Пасля гэтага невядомы стаў суцяшаць Шышымарына, каб ён не перажываў і сказаў, што ў першую чаргу трэба выратаваць сябе. Прапаршчык і невядомы пасажыр пры гэтым не былі непасрэднымі камандзірамі Шышымарына.
«Я не хацеў яго забіваць. Я стрэліў, каб ад мяне адсталі», — сказаў Шышымарын.
Пракуратура запатрабавала пажыццёвы тэрмін для Шышымарына
«Гэтая толькі адна з гісторый, якіх пасля 24 лютага вельмі шмат. Жонка засталася без мужа, а дзеці і ўнукі без бацькі і дзеда. Гэта справа павінна стаць паказальным. Наколькі шчыра каецца Шышымарын — гэта на меркаванне суда. Яго віна даказаная і без яго раскаяння», — заявіў прадстаўнік пракуратуры.
