Тэлепрапагандысты рыхтуюць расіян да прызнання правалу «спецаперацыі»?
Назіральнікі заўважылі, што ў расійскія палітычныя ток-шоў пачалі запрашаць гасцей, якія настроеныя рэалістычна і нават песімістычна з нагоды «спецаперацыі», якая замест «маланкавага марш-кідка на Кіеў» зацягнулася на тры месяцы і ёй не відаць канца.
Супраць Расіі настроены ўвесь свет, Расія знаходзіцца ў поўнай геапалітычнай адзіноце — пра гэты відавочны факт не пабаяўся сказаць у федэральным тэлеэфіры ваенны аглядальнік лаяльнай Крамлю «Газеты.ру» палкоўнік Міхаіл Хадаронак. З ягоных слоў, Расіі варта перастаць размахваць ядзернай бомбай перад носам у Фінляндыі.
На мяжы нервовага зрыву і госці ў шоў Салаўёва, якія крычаць, што Пуціна дрэнна інфармуюць, а ў расійскай арміі трэба ўводзіць «камісараў».
Баяздольнасць і матываванасць украінскіх вайскоўцаў і добраахвотнікаў, дарэчы, таксама перасталі падвяргаць сумневу. Гэтыя факты сталі настолькі відавочныя, што іх вымушаныя акуратна прызнаваць нават хлуслівыя расійскія тэлеканалы.
