Знайсці
17.05.2022 / 16:46РусŁacБел

188 супраць 8: парламент Фінляндыі ўхваліў падачу заяўкі ў НАТА

Парламент Фінляндыі на пасяджэнні ў аўторак ухваліў падачу заяўкі на ўступленне краіны ў Паўночнаатлантычны альянс.

Фота Yle.fi

«За» прагаласавалі 188 дэпутатаў, паведамляе CNN, супраць было пададзена восем галасоў.

З васьмі чалавек, якія прагаласавалі супраць, 6 рэпрэзентуюць крайне левую партыю VAS — пераемніцу колішняй Кампартыі Фінляндыі, якая была афіляваная з Масквой. Цікава, што нават у гэтай партыі супраць выказаліся толькі 6 парламентарыяў з 16.

Цяпер рашэнне парламента павінен зацвердзіць прэзідэнт Фінляндыі Саўлі Ніінісцё. Мяркуецца, што ён зробіць гэта ў найбліжэйшы час.

Раней, у аўторак міністр замежных спраў Швецыі Ана Лінд падпісала заяўку на ўступленне краіны ў НАТА.

Фінляндыя і Швецыя сумесна пададуць заяўкі на ўступленне ў НАТА ў сераду, паведаміла кіраўнік шведскага ўрада Магдалена Андэрсан.

Yle.fi

«Мы дамовіліся, што Швецыя і Фінляндыя пройдуць праз увесь працэс рука аб руку, і заўтра мы сумесна пададзім нашы заяўкі», — сказала яна на сумеснай прэс-канферэнцыі з прэзідэнтам Фінляндыі Саўлі Ніінісцё ў Стакгольме.

Як толькі Фінляндыя скончыць працэдуры па афармленні сваёй заяўкі, звароты абедзвюх краін будуць перададзеныя генеральнаму сакратару Паўночнаатлантычнага альянсу Енсу Столтэнбергу.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера