Знайсці
16.05.2022 / 17:46

Пяць прадуктаў, якія дапамагаюць скуры абмалоджвацца

Хто з нас не хацеў бы спыніць час? Дыетолагі сцвярджаюць, што дзякуючы правільнаму выбару прадуктаў мы можам паклапаціцца пра выгляд сваёй скуры і зрабіць яе знешне маладзейшай. Паглядзіце, што для гэтага павінна быць на вашай талерцы.

Фота: pixabay.com

Раслінныя крыніцы бялку

Раслінны бялок не толькі дапамагае нарошчваць мускулы, але і спрыяе больш маладому выгляду. Бялок неабходны для пабудовы клетак і тканак, ён таксама з’яўляецца асноўным кампанентам калагену — важнага рэчыва, якое дапамагае захоўваць пругкасць, эластычнасць і малады выгляд скуры.

Калаген і так прысутнічае ў арганізме, але з узростам яго колькасць скарачаецца, і ён пачынае вырабляцца менш эфектыўна. Таму калі ўжываць прадукты, багатыя бялком, гэта будзе спрыяць сінтэзу калагену, і скура будзе выглядаць больш маладой. Прадукты з расліннымі бялкамі таксама змяшчаюць антыаксіданты, якія прадухіляюць працэсы запалення ў скуры, якое шкодзіць ёй і робіць яе жаўтаватай.

Памідоры, асабліва ў выглядзе пасты, кетчупу ці печанымі

Гэтая садавіна змяшчае лікапін — антыаксідант, што дапамагае абараніць скуру ад пашкоджання ўльтрафіялетам. Даследаванне Брытанскага журнала дэрматалогіі паказала, што жанчыны, якія штодзень ужывалі таматную пасту, былі лепш абароненыя ад шкоды, якую могуць нанесці сонечныя прамяні.

Аліўкавы алей першага адціскання

Гэта адзін з асноўных прадуктаў міжземнаморскай дыеты, які мае вялікую карысць для сэрца, але і для скуры. Аліўкавы алей багаты антыаксідантамі, якія дапамагаюць зменшыць пашкоджанне ад акіслення і запаленне, выкліканае свабоднымі радыкаламі.

Багатая на тлушч рыба

Дыетолагі раяць хаця б раз на тыдзень з’ядаць порцыю багатай на тлушч рыбы, напрыклад, ласося. Тлустыя кіслоты амега-3, што ёсць у такой рыбе, дапамагаюць зменшыць запаленне ў скуры, якое можа ёй нашкодзіць. Акрамя таго, тлустая рыба таксама змяшчае шмат бялку, важнага для вытворчасці калагену і эласціну.

Авакада

Авакада змяшчае шмат ненасычаных тлушчоў і клятчаткі, якія дапамагаюць вашай скуры выглядаць бліскучай. Яны спрыяюць фарміраванню здаровай абалонкі цела.

Злоўжываеце алкаголем? Ваша скура гэта пакажа

Як лепей абараніць сябе ад сонца?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
17
Панылы сорам
3
Ха-ха
4
Ого
2
Сумна
Абуральна
1
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31