Знайсці
13.05.2022 / 21:47

«Гэта проста экстрым! Квэст!» Жыхарам Слуцка два месяцы даводзіцца лазіць праз аварыйны мост

Амаль два месяцы таму, 14 сакавіка, на «Чортавым мосце», як яго называюць у народзе, адбыўся правал. Случчанка Марына Аляксандраўна патэлефанавала ў рэдакцыю выдання kurjer.info і звярнула ўвагу на тое, што людзям і дагэтуль даводзіцца хадзіць па ім, пераадольваючы перашкоды.

«Два месяцы таму я была сведкай, як гэты масток абрынуўся. І вось увесь гэты час яго рамантуюць. Там пастаўленыя абмежавальнікі, але людзі ўсё адно ходзяць, бо гэта найбліжэйшы шлях з густанаселенага мікрараёна ў парк, дзіцячую паліклініку, на базар.

Я ўразілася, як бабуля гадоў 70-ці па гэтых дошках праз яму пераадольвала гэты мост. Гэта проста экстрым! Квэст!

Мне здаецца, што калі людзі пастаянна пераходзяць у гэтым месцы, маглі б зрабіць часовую пантонную пераправу, — расказала Марына Аляксандраўна. — Проста дзіўлюся, як такімі тэмпамі рабіць гэты масток. Два месяцы! У Кітаі велізарныя масты за гэты час робяць, чым мы горш? А дзе людзям хадзіць? Абыходзіць за кіламетр?».

Журналіст выдання таксама пабываў на мосце і паглядзеў, што там адбываецца. Людзі сапраўды ідуць пастаянна, адзін за адным, хоць знак паказвае, што праход зачынены.

Рабочыя, якія рамантуюць правал, кажуць, што мінакі лаюцца і выказваюць усё абурэнне ім, хоць яны толькі выканаўцы. А ім людская плынь перашкаджае працаваць.

«Не робіш — дрэнна, робіш — таксама дрэнна», — сказаў адзін з рабочых. Па словах рабочых, латаць правал скончаць ужо заўтра, але потым яшчэ будуць фарбаваць.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
4
Ха-ха
1
Ого
Сумна
1
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31