У Латвіі заблакуюць «Одноклассники» і «ВКонтакте»
У сувязі з санкцыямі, прынятымі Еўрапейскім Саюзам, на тэрыторыі Латвіі будзе абмежаваны доступ да расійскіх сацыяльных сетак «Вконтакте» (vk.com), «Одноклассники» (ok.ru) і «Мой Мир» (my.mail.ru). Такое рашэнне прыняла Нацыянальная рада па электронных СМІ, піша rus.lsm.lv.
Пра прынятую пастанову ў Twitter паведаміў кіраўнік Рады Івар Обаліньш. Платформы заблакуюць на наступным тыдні.
Рашэнне прынята, паколькі ў распараджэнні Нацыянальная рада па электронных СМІ ёсць інфармацыя: платформы знаходзяцца ва ўласнасці і пад кантролем блізкіх да Крамля бізнэсменаў Юрыя Кавальчука і Уладзіміра Кірыенкі.
У дачыненні да гэтых асоб у ЕС прынятыя санкцыі ў сувязі з замахам на тэрытарыяльную цэласнасць, суверэнітэт і незалежнасць Украіны.
4
0
0
0
0
2
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера