На волю выйшла палітвязняволеная Алена Дзядзюля, асуджаная па «справе цюкоў»
Палітзняволеная Алена Дзядзюля цалкам адбыла тэрмін і сёння выйшла з жодзінскай турмы №8, паведамляе «Вясна».
Алена Дзядзюля пасля выхаду з турмы
Суддзя Вікторыя Суднік 31 студзеня прызнала фігурантаў рэзананснай «справы размаляваных цюкоў з саломай» вінаватымі па ч. 2 арт. 339 КК (Хуліганства групай асобаў) і прызначыла ўсім яе фігурантам, акрамя Кацярыны Арыка, год калоніі ва ўмовах агульнага рэжыму. Такое пакаранне атрымалі Андрэй Арыка, Максім Дубешка, Аляксандр Бабко, Вольга Дубовік, Алена Дзядзюля, Ігар Мыслівец. Кацярыну Арыка асудзілі да 1,5 года «хатняй хіміі» і вызвалілі ў залі суда.
На судзе стала вядома, што на поле сілавікі прыехалі з аўтаматамі, супрацоўнікі на затрыманых малявалі свастыку, некаторых збівалі. Таксама, па словах абвінавачаных, акцыю, па сутнасці, арганізаваў «невядомы хлопец», які прапаноўваў абвінавачаным у тэлеграме размаляваць цюкі пад Дзяржынскам. Сярод затрыманых яго не аказалася.
